Ar ddiwrnod y ffair flynyddol enwog, mae dinas Faldum yn cael ymwelydd annisgwyl.

Mae crwydryn yn cynnig rhoi dymuniad unrhyw un sy’n gofyn. Cyn bo hir, mae’r ddinas wedi ei gweddnewid.

Mae plastai crand wedi cymryd lle cytiau mwd, ac mae cardotwyr yn teithio mewn steil yn eu coets a cheffyl. Ac mae un dyn yn dymuno troi mewn i fynydd.

Wedi ei ysgrifennu a’i berfformio gan Toby Thompson – cyn-enillydd slam farddoniaeth Glastonbury – mae I Wish I Was A Mountain yn defnyddio odl, cerddoriaeth fyw a phinsiaid o athroniaeth fetaffisegol i ail-greu stori dylwyth teg glasurol Hermann Hesse mewn modd beiddgar.

Oes arnon ni wir angen y pethau mae arnon ni eu hangen? Beth mae mynyddoedd yn ei deimlo? Sut dechreuodd amser?

Gofynnir yn garedig i oedolion adael yr holl atebion i’r cwestiynau hyn wrth y drws. Blant, dewch fel ry’ch chi.

Crewyd yn the egg Incubator. Cyd-gynhyrchwyd gan the egg a’r Travelling Light Theatre Company. Cyflwynir ar daith yng Nghymru gan Theatr Iolo.

Comisiynwyd ar y cyd gan Imaginate a Brighton Dome. Noddwyd gan The Tulip Partnership a Swainswick Explorers.