Mae sioe Strictly Ballroom the Musical wedi'i gohirio oherwydd y sefyllfa bresennol gyda coronafeirws. Y dyddiadau newydd fydd 29 Tachwedd - 4 Rhagfyr 2021. 

Gan eich bod chi eisoes wedi archebu, mae tocynnau wedi eu symud yn awtomatig i ddyddiad a seddi sy’n cyfateb i’r archeb wreiddiol. Gellir dod o hyd i holl fanylion eich archeb newydd drwy fewngofnodi i’ch cyfrif ar-lein.

Mae Strictly Ballroom the Musical, sy’n seiliedig ar y ffenomen o ffilm arobryn fyd-eang yn dod ar daith o gwmpas y DU ac Iwerddon, ac yn serennu Kevin Clifton o Strictly Come Dancing.

Wedi'i chyfarwyddo gan y dawnsiwr, coreograffydd, cyfarwyddwr theatr a hoff feirniad teledu’r DU, Craig Revel Horwood, bydd Strictly Ballroom the Musical yn ffocstrotio ledled y DU o fis Medi 2020.

Yn dod â chast o dros 20 o berfformwyr o safon fyd-eang ynghyd, mae Strictly Ballroom the Musical yn dilyn dawnsiwr ‘ballroom’ ffroenuchel, gwrthryfelgar ifanc, Scott Hastings.

Pan mae ei arddull ddawns radical a mentrus yn colli edmygedd Ffederasiwn Awstralia, mae’n rhaid iddo ddawnsio gyda Fran, sy’n hollol newydd i fyd dawns. Gyda’i gilydd, maen nhw’n dangos eu dewrder trwy herio traddodiadau dawns a darganfod bod dim rhaid i’ch dawns fod yn ‘Strictly Ballroom’ i ennill!

Yn cynnwys caneuon hynod boblogaidd megis Love is in the Air, Perhaps Perhaps Perhaps a Time After Time, yn ogystal â nifer o ganeuon hyfryd, newydd gan artistiaid rhyngwladol poblogaidd yn cynnwys Sia, David Foster ac Eddie Perfect.

Dewch i fwynhau noson fythgofiadwy dan y belen gliter. Dyma sioe dwymgalon sy’n sicr o’ch gwefreiddio!