Paratowch am noson o roc, Gaerdydd, achos mae sioe gerdd hynod boblogaidd Andrew Lloyd Webber o’r West End a Broadway, School of Rock, ar ei ffordd i Ganolfan Mileniwm Cymru.

Mae School of Rock yn sioe gerdd hynod boblogaidd sydd wedi’i seilio ar y ffilm eiconig gyda Jack Black. Mae Dewey Finn sy’n breuddwydio am fod yn seren roc, yn cael ei wrthod gan ei fand ac yn cael ei hun mewn trafferth yn ariannol.

Mae’n smalio bod yn athro cerddoriaeth ac mae’n cael swydd dros dro mewn ysgol elitaidd. Yno mae’n dangos ei hoff eiconau roc i’r disgyblion ac yn trawsffurfio grŵp ohonynt i fod yn fand roc anhygoel.

Wrth ddysgu’r disgyblion sut i wir ymfalchïo mewn cerddoriaeth roc, mae Dewey yn syrthio mewn cariad gyda phrifathrawes groendenau, brydferth yr ysgol, Miss Mullins, ac yn ei helpu hi i ailddarganfod ochr wyllt ei chymeriad. Ond, a fyddant  yn ennill ym mrwydr y bandiau?

Yn cynnwys caneuon gwreiddiol y ffilm, 14 o ganeuon newydd gan Andrew Lloyd Webber, a band o blant hynod dalentog sydd yn chwarae’n fyw yn ystod pob sioe, mae School of Rock yn sioe dwymgalon ac yn sicr o’ch gwefreiddio.