Mae’n fawr… mae’n llachar… dyma gynhyrchiad newydd sbon o’r sioe gerdd anhygoel 42nd Street, gyda Samantha Womack fel Dorothy Block, ochr yn ochr â Michael Praed fel Julian Marsh, Faye Tozer fel Maggie Jones, Les Dennis fel Bert Barry a Nicole-Lily Baisden fel Peggy Sawyer. 

Mae Jonathan Church (Singin' In The Rain, The Drifters Girl) yn cyfarwyddo’r sioe ddawns a chân eiconig sy’n cynnwys sawl cân gofiadwy fel "42nd Street," "We’re In The Money," "Lullaby of Broadway," "Shuffle Off To Buffalo" ac "I Only Have Eyes For You".

Wedi’i choreograffu a’i dylunio gan Bill Deamer a Rob Jones sydd wedi ennill gwobr Olivier, mae 42^nd Street yn stori ddiamser a chalonogol sy’n cyfuno dawnsdrefnau tap ysblennydd, cynllwynio cefn llwyfan, rhamant glasurol a chomedi difyr. Mae’n wirioneddol hudolus!

Yn syth oddi ar y bws o dref fach yn America, mae menyw ifanc a phrydferth o’r enw Peggy Sawyer yn cyrraedd Efrog Newydd yn breuddwydio am weld ei henw mewn goleuadau. Yn gyflym iawn mae cyfarwyddwr llwyddiannus yn sylwi arni, ac mae’n ennill lle mewn llinell gorws sioe newydd ar Broadway… a phan fydd y brif actores yn cael ei hanafu, mae Peggy yn cael cyfle i ddod yn seren.

Mae 42^nd Street yn ddathliad mawreddog ac adloniadol o sioeau cerdd ac ysbryd anorchfygol Broadway sy’n bendant o godi calon pawb. Peidiwch â’i cholli!