Mae RSVP yn arwain ar adfywiad o gerddoriaeth Bhangra fyw yn y DU, gan agor drysau i artistiaid eraill a chyflwyno Bhangra i gynulleidfaoedd prif ffrwd am y tro cyntaf.
O lwyfannau enfawr yn Glastonbury (dros 16 mlynedd) a WOMAD, i ganolfannau perfformio ledled y DU ac Ewrop, maent yn sicr o gael pawb – hyd yn oed y rhai swil – ar eu traed i ddawnsio a chyffroi cynulleidfaoedd.
Mae RSVP Bhangra yn cyfuno cerddoriaeth Punjabi o India gyda rhythmau dawns a cherddoriaeth bop brif ffrwd i greu sain newydd a hudolus y mae cynulleidfaoedd wrth eu boddau’n dawnsio iddo ac yn dychwelyd iddo droeon.
Rocked the masses to exhaustion!
Ai llais pêr a phresenoldeb llwyfan carismatig Dildar, Judge yn rhyngweithio â’r gynulleidfa neu efallai curiadau drwm dhol penderfynol Jeevan – neu hyd yn oed isgerddoriaeth rythmig a siarp Cris a Puggy yw’r rheswm? Pwy â ŵyr? Mae’r canlyniad, sut bynnag y caiff ei gyflawni, yn gymhellol ac yn hynod gaethiwus ar unwaith!
Mae pob sioe’n cynnwys cyflwyniad i ddawnsio Bhangra – mae pawb yn cael eu cynnwys ym mherfformiad RSVP gan fod pwyslais ar greu awyrgylch o barti Punjabi. Gyda cherddorion sydd wedi’u gwreiddio’n ddwfn i draddodiad ac sydd heb ofn arloesi, dyma sioe sydd wir yn dathlu cerddoriaeth o India.
Amser dechrau: 8.30pm, drysau 7.30pm
Oed: 14+
IECHYD DA!
Drysau ar agor 1 awr cyn i'r perfformiad ddechrau, er mwyn i chi ddod o hyd i fwrdd, cwrdd â'ch ffrindiau a chael diod o'n bar Cabaret.
Gallwch chi hefyd archebu drwy ein ap drwy gydol y sioe a byddwn yn dod â'ch diodydd yn syth i'ch bwrdd. Hyfryd!
Nid yw’r seddi wedi’u cadw.
Cynghorwn fod grwpiau mawr yn cyrraedd yn gynnar fel y gallwch ddod o hyd i seddi gyda’ch gilydd.
Os bydd y sioe wedi gwerthu allan, mae’n bosibl y bydd rhaid i chi rannu bwrdd.
POBL ANABL, DAN 30 OED, MYFYRWYR + DIGYFLOGEDIG
Gostyngiad o £3.
CYNLLUN HYNT
Ar gael ar gyfer y cynhyrchiad hwn. Darganfod mwy.
Mae pob cynnig yn amodol ar ddosraniadau ac argaeledd.
