Gwisgwch eich cyfrwy asynnod bach! Mae’n amser am reid arall.
Mae’r tîm a gyflwynodd eu sioeau cabaret Nadolig a werthodd allan, sef XXXmas Carol a The Lion, The B!tch and The Wardrobe, yn ôl gyda’u ffiasgo Nadoligaidd olaf. Tri chynnig i Gymro.
A pha ffordd well o dreulio eu Nadolig olaf yng Nghanolfan Mileniwm Cymru na drwy ddathlu stori’r un cyntaf erioed: drama’r geni.
"festive extravaganza"
"Saucy...cheeky...thought-provoking"
Yn ymladd dros y prif rannau fydd Polly Amorous, Jenna Dyckhoff, Rahim El Habachi, FooFoo LaBelle, Eric McGill a Bunmi Odumosu, a fydd yn cyflwyno eu cymysgedd arferol o syrcas syfrdanol, bwrlésg bendigedig a drag disglair. Bydd yn bendant yn ddiweddglo i’w gofio.
Nid drama’r geni arferol mo hwn – gallwch chi ddisgwyl bugeiliaid digywilydd, angylion yn camymddwyn a gwaith coed sydd ychydig yn gnawdol gan Joseff. Bydd y sbectacl Nadoligaidd amgen yma yn gwneud i chi chwerthin a dyheu am fwy!
18+ yn unig. Gadewch y plant adref.
Cynhyrchiad Canolfan Mileniwm Cymru a Duncan Hallis
"the queer nativity of dreams"
Amser cychwyn: 8.30pm
Matinee 31 Rhagfyr 3.30pm
Hyd y perfformiad: Tua 2 awr a 20 munud (gan gynnwys egwyl)
Cyfyngiad oedran: 18+
Hygyrchedd:
Caiff perfformiadau dydd Iau 14 a dydd Sadwrn 30 Rhagfyr eu cyfieithu i BSL gan Stephen Brattan-Wilson
Caiff perfformiadau dydd Sadwrn 16 a dydd Mercher 20 Rhagfyr eu sain ddisgrifio gan Ioan Gwyn
Rhybuddion
Mae hon yn sioe cabaret ysblennydd, Nadoligaidd a llawn hwyl. Fodd bynnag, roeddem ni am rannu rhai rhybuddion pwysig am y cynnwys ymlaen llaw i sicrhau bod pawb yn teimlo’n ddiogel ac yn hapus.
Yn y sioe mae cynnwys i oedolion, megis: iaith gref iawn a thramgwyddus; delweddau o a chyfeiriadau at ryfel, gan gynnwys hil-laddiad; delweddau yn ymwneud â hunan-niweidio a hunanladdiad; cyfeiriadau at homoffobia, hiliaeth, senoffobia; noethni; cyfeiriadau rhywiol a golygfeydd o natur rywiol; rhoi gwrthrychau dieithr i mewn i gorff.
Mae’r perfformiad yma hefyd yn cynnwys: goleuadau strôb, synau uchel sydyn, gwaed, tân, mwg a tharth.
IECHYD DA!
Drysau ar agor 30 munud cyn i'r perfformiad ddechrau, er mwyn i chi ddod o hyd i fwrdd, cwrdd â'ch ffrindiau ac archebu diod drwy ein ap. Gallwch archebu drwy gydol y sioe a byddwn yn dod â'ch diodydd yn syth i'ch bwrdd. Hyfryd!
Nid yw’r seddi wedi’u cadw.
Cynghorwn fod grwpiau mawr yn cyrraedd yn gynnar fel y gallwch ddod o hyd i seddi gyda’ch gilydd.
Os bydd y sioe wedi gwerthu allan, mae’n bosibl y bydd rhaid i chi rannu bwrdd.
POBL ANABL, DAN 30 OED, MYFYRWYR + DIGYFLOGEDIG
Gostyngiad o £3 (ac eithrio rhagddangosiadau)
CYNNIG GRWPIAU
Grwpiau o 10+, £3 i ffwrdd (ac eithrio rhagddangosiadau). Trefnu ymweliad grŵp.
Wrth archebu ar-lein, caiff y gostyngiad i grwpiau ei ychwanegu yn awtomatig pan fyddwch chi'n talu.
CYNLLUN HYNT
Ar gael ar gyfer y cynhyrchiad hwn. Darganfod mwy.
Mae pob cynnig yn amodol ar ddosraniadau ac argaeledd.
