Paratowch ar gyfer antur anhygoel – cyfle i weld Theatr Donald Gordon fel erioed o'r blaen drwy abseilio naw llawr i lawr ar y llwyfan wrth godi arian hanfodol i gefnogi ein helusen! 

Teimlwch y wefr o ddisgyn i lawr i’n llwyfan eiconig. 

Wyddoch chi ein bod ni’n elusen? Mae ein holl waith gyda’r gymuned, artistiaid Cymreig a phobl ifanc yn cael ei ariannu drwy roddion elusennol. Gyda’ch cefnogaeth hael drwy gofrestru ar gyfer abseil noddedig, gallwch chi ein helpu ni i drawsnewid bywydau a chreu atgofion bythgofiadwy i bawb. 

• Gallai £50 gyfrannu at gost ein gweithdai ymgysylltu â’r gymuned, sy’n dod â phobl ynghyd i gefnogi llesiant emosiynol a meddyliol drwy greadigrwydd.  
• Gallai £100 gefnogi pobl ifanc i ddod o hyd i’w lleisiau ac adrodd eu straeon fel rhan o Academi Next Up. 
• Gallai £500 dalu am gludiant i alluogi grŵp i deithio i Gaerdydd i weld perfformiad yng Nghanolfan Mileniwm Cymru, profiad ysbrydoledig na fydden nhw’n gallu ei gael fel arall. 

Mae angen talu blaendal o £35 i gadw eich lle, a bydd angen gosod targed codi arian o £250 o leiaf, gyda phopeth yn mynd tuag at ein gwaith allgymorth effeithiol. Peidiwch â cholli allan ar y cyfle arbennig yma. 

Unwaith y byddwch chi wedi cofrestru byddwn ni’n cysylltu â chi gyda gwybodaeth Bellach gan gynnwys sut i greu eich tudalen JustGiving. 

Dim awydd abseilio? Dim problem! Bydd digon o weithgareddau cyffrous ar y llawr, felly bydd rhywbeth i bawb. 

Ymunwch â ni ar gyfer Abseil Codi Arian Ein 20 Mlwyddiant, a gynhelir gan Dave Talbot Adventure Events, a chymerwch ran mewn her epig wrth wneud gwahaniaeth!