Ymunwch â ni ar gyfer lansiad ‘Celebrating Somali Heritage: Sounds of the Past, Voices of the Future’, gŵyl aml-ddiwrnod yng Nghaerdydd sy’n dathlu treftadaeth a chreadigrwydd diwylliannol dwfn ac esblygol Somalia.

Bydd y lansiad yn dechrau gyda sylwadau cychwynnol gan wleidyddion lleol a Steve Dimmick (Llenyddiaeth Cymru), yng nghwmni trefnwyr yr ŵyl Ayan Mahamoud (Rheolwr Gyfarwyddwr, Kayd Somali Arts & Culture), Nasir Adam (Curadwr Hanes Du, Amgueddfa Cymru) a rheolwr y rhaglen leol, Zainab Nur.

Bydd prif ddigwyddiad y noson yn dathlu dau awdur Prydeinig-Somali arobryn – y newyddiadurwr Aamna Mohdin a’r bardd Samatar Elmi – a’u gwaith a gyhoeddwyd yn ddiweddar: hunangofiant Aamna, Scattered: The Making and Unmaking of a Refugee, a chasgliad barddoniaeth cyntaf Samatar, The Epic of Cader Idris. Bydd Aamna a Samatar yn rhannu uchafbwyntiau eu teithiau personol a’u hysbrydoliaethau creadigol, gan fyfyrio ar y ffyrdd mae awduron ac artistiaid Prydeinig-Somali yn ail-lunio arferion adrodd straeon Somali a sgyrsiau llenyddol Prydeinig. Bydd Aamna a Samatar yn darllen o’u gwaith ac yn ateb cwestiynau gan y gynulleidfa. Caiff y sgwrs ei arwain gan Claire Furlong (Llenyddiaeth Cymru).

Bydd y noson yn gorffen gydag adloniant gan Wanaagsan, grŵp dawns Somali o Gaerdydd wedi’i arwain gan Muna Abubakar ac Ifraax Buraanbur, artist cymunedol lleol, addysgwr dawns a pherfformiwr buranbuur.