Ymunwch â Cherddorfa Genedlaethol Gymreig y BBC fis Hydref ar gyfer dychweliad Cyffro Calan Gaeaf – cyngerdd bythgofiadwy sy'n llawn cerddoriaeth, arswyd a hwyl hudolus!

Dyma gyngerdd i’r teulu cyfan a fydd yn siŵr o godi ofn a chodi’r ysbryd, gydag Owain Wyn Evans yn cyflwyno ac Ellie Slorach yn arwain. Bydd yn cynnwys cerddoriaeth eiconig ac atmosfferig gyda naws iasol, hudol a hwyliog.

Byddwch yn barod i deimlo ias i lawr eich cefn wrth i chi glywed detholiad gwefreiddiol o weithiau cerddorol – gan gynnwys Thema Hedwig o Harry Potter and the Philosopher's Stone, thema ddychrynllyd y siarc o Jaws, y thema hedfan esgynnol o E.T. the Extra-Terrestrial, ac arwyddgan eiconig Doctor Who.

P'un a ydych chi'n hoff o sgorau sinematig, yn deulu sy'n chwilio am ddigwyddiad tymhorol hwyliog, neu’n rhywun sydd wedi gwirioni ar Galan Gaeaf, bydd y cyngerdd hwn yn cynnwys cerddoriaeth gerddorfaol gyffrous, eiliadau dramatig, ac ambell syrprèis chwareus ar hyd y ffordd.

Mae cynulleidfaoedd yn cael eu hannog i ddod mewn gwisg ffansi – gorau po fwyaf creadigol. O wrachod a dewiniaid i anghenfilod ac archarwyr, mae gwisg ffansi yn ychwanegu at ysbryd yr ŵyl ac mae'n rhan o'r hwyl!

Mae'r cyngherddau calan gaeaf hyn yn ôl am eu bod wedi bod yn boblogaidd yn y gorffennol. Fel arfer, mae’r tocynnau i gyd yn gwerthu’n gyflym, felly rydyn ni'n argymell archebu'n gynnar er mwyn osgoi cael eich siomi.