Barod i ddatgelu dy greadigrwydd a gwneud dy farc yn y byd radio a phodlediadau? Ymuna â ni am gwrs hyfforddi dwys dau ddiwrnod yn ein stiwdios Radio Platfform yng Nghaerdydd – ac mae’r cwbl AM DDIM!

Darganfydda sut i greu rhaglenni radio a phodlediadau; dysga am yr ystod amrywiol o gynnwys radio; meistrola sut i ddod o hyd i a chreu straeon newyddion cymhellol; ac uwchraddia dy recordiadau i safonau ansawdd proffesiynol.

Byddi di’n cael profiad ymarferol o gyflwyno, cyfweld a thrafod pynciau sy’n tanio dy frwdfrydedd. P’un a wyt ti eisoes yn dwli ar radio a phodlediadau neu’n rhoi cynnig ar y cyfrwng am y tro cyntaf, mae’r cwrs yma wedi’i gynllunio i dy rymuso a dy ysbrydoli ar bob cam o’r ffordd, waeth beth yw lefel dy brofiad. Ar ôl cwblhau’r cwrs yma, byddi di’n aelod o Radio Platfform ac yn recordio dy sioeau dy hun yn ein stiwdios ym Mhorth a Chaerdydd.