Oherwydd problemau amserlennu, mae cynhyrchwyr War Horse a Chanolfan Mileniwm Cymru wedi penderfynu canslo'r perfformiadau canlynol: 14 a 20 Hydref. Mae perfformiadau newydd wedi cael eu hychwanegu am 2.30pm ar 19 a 22 Hydref. Ymddiheurwn am unrhyw anghyfleustra y bydd hyn yn ei achosi.
Mae’r ffenomenon byd-eang yn dychwelyd i Gaerdydd.
Mae cynhyrchiad llwyddiannus y National Theatre yn dychwelyd mewn taith newydd sbon o’r DU ac Iwerddon. Mae War Horse yn brofiad theatraidd bythgofiadwy sy’n mynd â chynulleidfaoedd ar daith arbennig o gaeau gwledig Dyfnaint i ffosydd Ffrainc yn ystod y Rhyfel Byd Cyntaf. Yn seiliedig ar y nofel boblogaidd gan Michael Morpurgo, mae’r ddrama emosiynol a dychmygus yma, sy’n llawn cerddoriaeth a chaneuon cynhyrfus, yn sioe o ddyfeisgarwch rhyfeddol. Wrth ei gwraidd mae ceffylau maint go iawn syfrdanol gan Handspring Puppet Company o Dde Affrica, sy’n dod â cheffylau sy’n anadlu, yn carlamu ac yn rhuthro yn fyw ar y llwyfan.
A TRIUMPH OF THEATRICALITY
Ar ddechrau’r Rhyfel Byd Cyntaf, caiff Joey, ceffyl annwyl Albert, ei werthu i’r Gwŷr Meirch a’i anfon i Ffrainc. Yn fuan caiff ei ddal mewn ymosodiad gan y gelyn, ac mae ffawd yn mynd ag ef ar daith eithriadol, gan wasanaethu ar y ddau ochr cyn ffeindio ei hun yn Nhir Neb ar ei ben ei hun. Dyw Albert, a arhosodd ar fferm ei rieni yn Nyfnaint, methu anghofio Joey. Er nad yw’n ddigon hen i ymrestru, mae’n mynd ar berwyl peryglus i ddod o hyd i Joey a dod ag ef adref.
© Brinkhoff/Mögenburg
Yn seiliedig ar y nofel boblogaidd gan Michael Morpurgo | Addaswyd gan Nick Stafford
Mewn cydweithrediad â’r cwmni llwyddiannus Handspring Puppet Company
Canllaw oed: 10+ (dim plant dan 2 oed) mae'n cynnwys iaith gref, pyrotechneg (effaith niwl) a synau uchel sydyn. Rhaid i bob plentyn dan 16 oed eistedd gydag oedolyn 18 oed neu’n hŷn.
Amser dechrau:
Maw – Sad 7.30pm
Iau + Sad 2.30pm
Hyd y perfformiad: Tua 2 awr 40 munud (gan gynnwys un egwyl)
Weithiau bydd salwch neu wyliau’n codi, felly nid oes modd i gynhyrchwyr warantu bod unrhyw un o’r artistiaid yn ymddangos ym mhob perfformiad.
AELODAU
Gostyngiad o £10 ar y noson agoriadol (2 bris uchaf, argaeledd cyfyngedig) 15 Hydref. Dod yn aelod
GRWPIAU
Grwpiau o 10+ gostyngiad o £5 o leiaf ar seddi penodol, Llun – Iau. Trefnu ymweliad grŵp
16-30
Gostyngiad o £8 ar seddi penodol, Llun – Iau.
O DAN 16
Gostyngiad o £10, Llun – Iau (2 bris uchaf).
Mae pob cynnig yn amodol ar seddi penodol, dyraniadau ac argaeledd
Archebwch cyn gynted ag y gallwch i sicrhau’r dewis gorau o seddi. Gall prisiau tocynnau newid heb rybudd a byddant yn adlewyrchu’r galw cyfredol.
