DIDDOROL | LLESMEIRIOL | MODERNAIDD

Alders Hillborg Exquisite Corpse
Augusta Read Thomas Cello Concerto [premiere byd]
Sibelius Lemminkäinen Cyfres

Gan ddilyn egwyddor Cadavre exquis – sef ysgrifennu llinell ar ddarn o bapur, ei blygu drosodd a’i basio ymlaen i’r person nesaf i ychwanegu llinell – mae Alders Hillborg yn cymryd dyfyniadau gan gyfansoddwyr eraill a’u mowldio gyda’i gilydd i greu Exquisite Corpse, collage cerddorol sy’n anhrefnus ond yn hynod o hardd. Wedyn croesawn yr hybarch Alban Gerhardt yn ôl at Gerddorfa Gymreig y BBC i berfformio’r première byd o Goncerto Augusta Read Thomas i’r Soddgrwth.

Wedi’i ysbrydoli gan chwedlau’r Kalevala, mae Cyfres Lemminkäinen Sibelius yn llawn anturiaeth Ffinnaidd. Opera fytholegol oedd y cynllun gwreiddiol, ond mae’r cathlau symffonig a ddeilliodd yn hollol hudolus. Ar ôl agoriad dirgel a thywyll, ceir dawns werin lawen, uchafbwyntiau ffrwydrol a chyffro pefriog yn eu tro, heb anghofio alaw lesmeiriol gysegredig Alarch Tuonela yn nofio trwy deyrnas y meirw, wedi’i chanu’n hyfryd gan y cor anglais unigol.