EICH CYFLWYNYDD: Len Blanco - Len Blanco (@king_len_blanco) • Instagram photos and videos - nhw

Brenin drag, cerddor, digrifwr, awdur, actor, cyfarwyddwr a hwylusydd yw Len Blanco.
Cawson nhw eu disgrifio gan TimeOut fel cyflwynydd a chanwr sydd â “thalent aruthrol”, dywedodd WithinHerWords fod eu cymeriad dychanol a’u caneuon fel cyn-aelod o boi band yn “llawen ac yn gwbl wreiddiol” ★★★★★
Ers dechrau fel brenin drag yn 2016, efallai eich bod wedi gweld Len ar sawl llwyfan, gan gynnwys yn Theatr Soho (lle mae'n cynnal cyrsiau'n rheolaidd), Canolfan Southbank, Tŵr Blackpool, Canolfan Mileniwm Cymru, y Clapham Grand, Tafarn y Royal Vauxhall, The Glory, Clwb y Gweithwyr Bethnal Green, pabell yn Glastonbury, bws yng Nghaeredin, neu'n hanner noeth, yn llawn llwch llachar ac yn gweiddi ar draeth preifat ym Montenegro.

Efallai y byddwch chi'n eu hadnabod nhw o Nutcracker, yn chwarae rhan y gwrtharwr sy’n cael ei gamddeall, King Rat.

VIL - https://www.instagram.com/sheisvil/?hl=en - hi

VIL yw tywysoges drag draws Manceinion a’r berfformwraig bwrlésg, sy’n gweini glam femme uchel gydag ychydig o camp chwaethus. Yng nghwmni rhywun sy’n rhannol brenhines ac yn rhannol seren stripio, fe gewch chi wledd hudolus, gwirion a rhyfygus. Mae VIL yn rym pwysig yn y gymuned LHDTCRhA+ yng ngogledd orllewin Lloegr ac yn ymgyrchydd dros ymwybyddiaeth a dathlu pobl draws. Mae hi wedi ymddangos ar lwyfannau ledled y wlad ac yn fodel adnabyddus ar gyfer tai ffasiwn sy'n dod i'r amlwg. 

The Stiletto Prince - https://www.instagram.com/thestilettoprince/?hl=en - fe

The Stiletto Prince. Perfformiwr hypnotig a fydd yn eich denu i fyd o androgyniaeth, rhywioldeb ac angerdd drwy ei symudiadau technegol. Drwy gelfyddyd synhwyraidd stiletos, bydd yr hudwraig yn tanio'r llwyfan, yn gafael yn eich llaw, ac yn eich arwain i'w ffantasi. Yn goreograffydd ac athro gwych, mae wedi gweithio gyda'r goreuon yn y busnes ac yn parhau i arwain y ffordd gyda chreadigrwydd a mynegiant artistig, a hynny mewn stiletos uchel iawn. 

Felicity Felicis - https://www.instagram.com/felicity_felicis/?hl=en - hi

Felicity Felicis – y Berfformwraig Roc a Rôl – sy’n dod â blas sbeislyd i Fwrlésg dawnsio awgrymog clasurol. Gyda degawd o brofiad o berfformio ar draws llwyfannau ledled y byd ac wedi’i phleidleisio’n ddiweddar yn rhif 2 yn Ewrop ac yn rhif 28 allan o 50 Perfformiwr Mwyaf Dylanwadol y Byd (2025) gan gylchgrawn 21st Century Burlesque, mae hi’n cyfuno glam, dygnwch, a phŵer diymddiheuriad ym mhob perfformiad. 

Ers ei hymddangosiad bwrlésg cyntaf yn 2016, mae Felicity wedi cerfio gyrfa ryngwladol i’w hunan sydd wedi’i diffinio gan berfformiadau beiddgar a rheolaeth arbennig ar lwyfan. Wedi'i lleoli yn Berlin yn yr Almaen, mae hi'n berfformwraig boblogaidd ledled gwledydd Prydain, Ewrop, Unol Daleithiau America, a thu hwnt — ar hyn o bryd mae'n teithio ledled y byd gyda chwmni AIDA Cruises.

Cadbury Parfait - https://www.instagram.com/cadburyparfait/?hl=en - hi

Artist bwrlésg Du Cwiar yw Cadbury Parfait, a gafodd ei phleidleisio’n un o 50 perfformiwr mwyaf dylanwadol y byd yn 2023, 2024 a 2025. Mae hi'n berfformwraig ryngwladol ac arobryn sy'n perfformio bwrlésg clasurol gydag awgrym o hiwmor tafod-yn-y-boch Prydeinig - Pryfociwr Clasurol yn Gweini Sleaze Prydeinig. 

Mae Cadbury, a enillodd wobr “Mwyaf Clasurol” Wythnos Bwrlésg Berlin 2019, yn ymgorffori glam Hollywood hen ffasiwn a chraffter perfformwraig. Mae Cadbury hefyd yn hoffi gwthio ffiniau ac enillodd ei pherfformiad Maggie Thatcher Wobr Cabaret Central sef “Gwobr y Dychan a’r Sylwebaeth Gymdeithasol mwyaf Miniog”.

Mae 2026 yn nodi 10 mlynedd yn y busnes i Cadbury, ac efallai y byddwch chi'n ei hadnabod o'r Nutcracker yng Nghanolfan Mileniwm Cymru yn 2024 a'r fenyw hudolus yn y wisg felen oedd i’w gweld ar bosteri drwy’r adeilad i gyd. 

Molly Beth Morossa https://www.instagram.com/mollybethmorossa/?hl=en - hi/nhw

Perfformiwr cabare a drag dosbarth gweithiol, gwneuthurwr theatr a chynhyrchydd anneuaidd yw Molly Beth Morossa. Maen nhw’n adnabyddus am eu perfformiadau tywyll, theatrig a chomig. Mae eu gwaith yn aml yn cyfuno adrodd straeon, cabare cyfoes a chelf perfformio er mwyn archwilio naratifau cwiar rhyfygus a dosbarth. Nhw sefydlodd y sioe cwiar dywyll a ysbrydolwyd gan Weimar, RiffRaff Kabarett, a gyflwynwyd ar y cyd gan y fampir drag, Ruby Wednesday. Maen nhw’n berfformwyr rheolaidd gyda The Double R Club, un o’r sioeau cabaret yn Llundain sydd wedi rhedeg hiraf a ysbrydolwyd gan waith David Lynch. Maen nhw’n ymddiriedolwr ac yn gynhyrchydd ar gyfer Cabaret vs Cancer. Maen nhw wedi cydweithio ag enillydd Gwobr Olivier, Marisa CARNESKY, ar nifer o gynyrchiadau, gan gynnwys Dr Carnesky’s Incredible Bleeding Woman, Showwomen Sideshow Spectacular! A TarotDrome. Maen nhw wedi perfformio a churadu sioeau cabare yn rhyngwladol, yn ogystal â ledled y wlad gan gynnwys yn Glastonbury, yr Academi Frenhinol, Tate Modern, The Vaults, Gŵyl Latitude ac Oriel Courtauld. Fe wnaethon nhw ysgrifennu, cynhyrchu a pherfformio dwy sioe theatr unigol, Carnival of Crows (Enillydd Gwobr yr Actores Orau - Dark Chat 2012) a Greywing House (Enillydd Gwobr Ysbryd yr Ŵyl yng Ngŵyl Vault yn 2017).