Cwmni Theatr yr Urdd mewn cydweithrediad a Theatr Cymru yn cyflwyno Calon.

Sioe gerdd gyfoes wreiddiol gan Caryl Parry Jones, Non Parry, Elan a Miriam Isaac a fydd yn taflu goleuni newydd ar glasuron Caryl ac yn dathlu y wledd o ganeuon a gyfansoddwyd ganddi ar hyd y degawdau.

Mae plasdy, Cae’r Lonydd wedi gweld dyddiau gwell. Dod â bywyd newydd i'r lle ydy her y criw ifanc sydd wedi eu taflu at ei gilydd.  Ond er gwaetha'r amheuon a thrwy wên a dagrau, chwerthin a dygnwch,  efallai bod peledr o obaith a chyfle iddyn nhw  brofi eu haf gorau erioed. Nes i ymwelydd arall gyrraedd Cae’r Lonydd i gynhyrfu'r dyfroedd ac i osod yr her fwyaf un...