Llythyr cariad ar ffurf cân. Mae Camille yn dathlu ei ffrind annwyl Shane MacGowan, Sinéad O’Connor, David Bowie, Radiohead, Brel, Nick Cave a mwy. Fel cameleon ar y llwyfan, mae gan bob cân gymeriad gwahanol gyda stori i’w hadrodd.
Mae Camille, gyda’i chydweithredwr hirdymor Feargal Murray, wedi creu sioe agos-atoch, dwymgalon gydag ychydig o anhrefn llawen a gwallgof wrth i’w bywyd ymddatod, gan gyfleu’r ymateb onest i’n hanwyliaid sydd wedi ein gadael ni.
Wedi’i phleidleisio fel un o’r 25 perfformiad gorau erioed ar Later with Jools BBC gan y Daily Telegraph a Brenhines Gŵyl Caeredin gan y BBC, teithiodd Camille gyda The Pogues, bu’n westai yn RFH Meltdown Yoko Ono a Richard Thompson ac yn seren wreiddiol La Clique, a enillodd wobr Olivier. Yn flaenorol, bu’n bensaer a pheintiwr arobryn. Cafodd Camille ei geni yn Llundain i Ffrances a thad Gwyddelig/Seisnig. Cafodd ei magu mewn pentref yn Cork, Iwerddon, yn gwrando ar gasgliad cerddoriaeth eclectig ei rhieni a’i chwiorydd, sydd wedi ei gwneud hi’n ddehonglydd unigryw.
Mae’r gantores arobryn wedi syfrdanu cynulleidfaoedd ledled y byd gyda’i pherfformiadau pum seren sy’n gwerthu allan, gan gynnwys Tŷ Opera Sydney, Royal Festival Hall a’r Roundhouse. Enillodd wobr Herald Angel am ei pherfformiad unigol gyda’r RSC o The Rape of Lucrece ac yn ddiweddar enillodd wobr Architectural RIAI 2025.
Tywyll, rhywiol, doniol a chyfareddol, mae Camille yn trawsnewid pob cân mae hi’n perfformio yn brofiad dwys, emosiynol a theatraidd. Gallwch chi ddisgwyl llawenydd ac angerdd pur.
"When she sings it's as though her breath is soaked in paraffin - one spark, and the whole room would ignite"
“A courageous and singular performer, Camille is one of the most gifted interpreters of narrative songs yet to appear”
Amser cychwyn: 8:30pm, drysau 8pm
Oedran: 16+
IECHYD DA!
Mae'r drysau yn agor awr cyn i'r perfformiad ddechrau, er mwyn i chi ddod o hyd i fwrdd, cwrdd â'ch ffrindiau a chael diod o'n bar Cabaret.
Gallwch chi hefyd archebu drwy'r cod QR ar y byrddau drwy gydol y sioe a byddwn yn dod â'ch diodydd yn syth i'ch bwrdd. Hyfryd!
Nid yw’r seddi wedi’u cadw.
Cynghorwn fod grwpiau mawr yn cyrraedd yn gynnar fel y gallwch ddod o hyd i seddi gyda’ch gilydd.
Os bydd y sioe wedi gwerthu allan, mae’n bosibl y bydd rhaid i chi rannu bwrdd.
POBL ANABL, DAN 30 OED, MYFYRWYR + DIGYFLOGEDIG
Gostyngiad o £3
GRWPIAU
Gostyngiad o £3 i grwpiau 10+
Wrth archebu ar-lein, caiff y gostyngiad i grwpiau ei ychwanegu yn awtomatig pan fyddwch chi'n talu.
CYNLLUN HYNT
Tocynnau am ddim i ofalwyr a chymdeithion. Dysgwch fwy am gynllun hygyrchedd Hynt.
Mae pob cynnig yn amodol ar ddosraniadau ac argaeledd.
Darllenwch reolau'r tŷ sy'n helpu i wneud yn siŵr bod pawb yn cael amser gwych yn Cabaret
