![Novaya [Colored／Noire] (1)](https://res.cloudinary.com/wales-millennium-centre/image/upload/c_fill%2Cg_face:center%2Ch_800%2Cw_800/f_auto/q_auto/v1770210599/WMC%20Content/Whats%20On/2026/Annwn%20prize/Novaya_Colored_Noire_1?_a=BAAAV6DQ "Novaya [Colored／Noire] (1)")
Mae’r profiad yma’n rhan o Wobr Annwn, gwobr fyd-eang newydd sy’n dathlu straeon ymdrochol gan artistiaid o bob cwr o’r byd. Wedi’u henwebu gan gymuned ryngwladol o guradwyr a sylwebwyr, mae pedwar darn o waith y rhestr fer yn dod i Ganolfan Mileniwm Cymru, gan eich gwahodd i gamu i mewn i’r stori. Pedwar byd, un lleoliad.
Ail-ddeffro'r hanes anghofiedig.
Rydyn ni yn Montgomery, Alabama, yng nghanol taleithiau gwahanedig de’r Unol Daleithiau, ar fws 2.30pm, ar 2 Mawrth 1955. Mae Claudette Colvin, merch Ddu 15 oed, yn gwrthod ildio’i sedd i deithiwr gwyn. Er gwaethaf bygythiadau, mae’n aros yn ei sedd. Ar ôl cael ei thaflu i’r carchar, mae'n penderfynu erlyn y ddinas a phledio'n ddieuog. Ar y pryd, doedd neb byth yn meiddio gwneud y fath beth. Ac eto, does neb yn cofio’i henw.
Mae Colored: The Unsung Life of Claudette Colvin yn brofiad trochol sydd wedi’i addasu o ysgrif fywgraffyddol, a ysgrifennwyd gan Tania de Montaigne, sy’n olrhain hanes Claudette Colvin a’i thaith o frwydr i gael ei gadael.
Pan ailadroddodd Rosa Parks yr un weithred naw mis yn ddiweddarach, newidiodd popeth. Gyda chefnogaeth gweinidog ifanc a oedd wedi cyrraedd Montgomery yn ddiweddar, sef Martin Luther King Jr., daeth Rosa Parks yn arwres ac yn wreichionen a daniodd y mudiad hawliau sifil. Crëwyd hanes. Claudette Colvin wnaeth y cyfan yn bosib, ond hi yw'r un sydd wedi cael ei hanghofio.
Mae Colored yn tynnu'r gynulleidfa i mewn i leoliad a fydd cyn hir yn llawn o ysbrydion Alabama'r pumdegau. Diolch i realiti estynedig, sy’n caniatáu yn fwy na’r un dechnoleg arall i'r presennol gwrdd â'r gorffennol, gall stori Claudette ddod yn stori i ni, gan osod ei hunan yn ein hatgofion fel eiliad 'fyw' yn ein profiad ni ein hunain lle gallwn ni i gyd ddod yn dystion i'r weithred arwrol yma.
Mewn set a ddyluniwyd yn arbennig ar gyfer y profiad, bydd golygfeydd eiconig o fywyd Claudette Colvin yn ystod ei brwydr dros hawliau sifil yn cael eu hailchwarae o flaen eich llygaid. P'un a fyddwch ar eich pen eich hunan neu yng nghwmni rhywun, cewch ymuno â'ch cyfoedion mewn cyd-brofiad penset.
'Colored: The Unsung Life of Claudette Colvin', wedi’i gyfarwyddo gan Stéphane Foenkinos a Pierre-Alain Giraud, yn seiliedig ar waith Tania de Montaigne, wedi’i gynhyrchu gan Novaya mewn partneriaeth â'r Centre Pompidou, a’i gyd-gynhyrchu gyda Flash Forward Entertainment (Taiwan).
Enillydd y Wobr am Waith Ymdrochol Gorau y 77fed Festival de Cannes.
Gyda chefnogaeth
CNC, Canolfan Genedlaethol y Sinema a'r Ddelwedd Symudol
Rhanbarth Auvergne-Rhône-Alpes
Grant Cynnwys Ymdrochol TAICCA ar gyfer Cyd-ariannu neu Gydgynhyrchiadau Rhyngwladol
Y Sefydliad Ffrengig
FACE FOUNDATION fel rhan o'r rhaglen 'French Immersion'.
BPI France
104factory
104 Paris
4DViews
4J
L-Isa
IPLlab (Taiwan)
ROSCO
IRCAM
PIXII
Clodrestr
Tîm Craidd
Pierre-Alain Giraud
Cynhyrchydd a Chyfarwyddwr
Stéphane Foenkinos
Cyfarwyddwr
Tania De Montaigne
Awdur
Emanuela Righi
Cynhyrchydd
Patrick Mao Huang
Cyd-gynhyrchydd
Christa Chen
Cyfarwyddwr Cynhyrchu Taiwan
Mathieu Denuit
Cyfarwyddwr Technegol
Pierre-Luc Denuit
Peiriannydd Systemau
Valgeir Sigurðsson
Dyluniad Cerddoriaeth a Sain Gwreiddiol
Nicolas Becker
Dylunydd Sain
Philippe Berthomé
Dylunydd Goleuo
Laurence Fontaine
Dylunydd Set
Chia Hui Wang
Dylunydd Gwisgoedd
Louis Moreau
Artist 3D
Archebu Tocynnau:
Gallwch chi archebu ar gyfer pob profiad unigol drwy glicio ar y tudalennau isod a dewis pris eich tocyn ac amser:
Cyntaf i’r felin (dilys 27–31 Mai): Safonol £6 / Consesiwn £5
Safonol: £8
Consesiwn: £6
Wrth archebu ar gyfer y 4 profiad ar yr un pryd (gall hyn fod ar gyfer dyddiadau gwahanol, ond rhaid archebu mewn un trafodiad) byddwch chi’n cael gostyngiad:
Cyntaf i’r felin (dilys 27–31 Mai): Safonol £20 / Consesiwn £18
Safonol: £25
Consesiwn: £20
Ysgolion, colegau a phrifysgolion, cysylltwch â ni'n uniongyrchol am becyn pwrpasol yn tocynnau@wmc.org.uk.
Nodwch mai eich cyfrifoldeb chi yw rheoli eich amser rhwng profiadau os byddwch chi’n archebu ar gyfer mwy nag un mewn diwrnod. Cofiwch ystyried hyd y profiadau (sydd wedi’u nodi ar dudalennau’r profiadau), symud rhwng lleoliadau a chyfyngiadau eraill ar amser a all fod tu hwnt i’n rheolaeth. Ni fydd bob amser yn bosibl eich symud chi yn awtomatig i’r slot amser nesaf.
Dydd Mawrth-Dydd Iau: 12pm – 8.45pm (Mynediad olaf 8pm)
Dydd Gwener-Dydd Sul: 11am – 8.45pm (Mynediad olaf 8pm)
Hyd y profiad: 35 munud. Caniatewch 50 munud ar gyfer sesiwn friffio a dadfriffio. Dylech chi gyrraedd 5 munud cyn eich slot er mwyn paratoi. Mae'n bosibl na fyddwch chi'n cael mynediad os byddwch chi’n hwyr.
Capasiti: 8
Cyfyngiad oed: 13+
Rhaid i bobl o dan 16 oed fod yng nghwmni oedolyn 18 oed neu hŷn.
Hygyrchedd: Mae hwn yn brofiad sefyll a cherdded 40 munud o hyd sy’n gallu cael ei addasu ar gyfer pobl sydd â thrafferthion symud. Cysylltwch â ni cyn prynu eich tocyn(nau) fel y gallwn ni wneud addasiadau ar eich cyfer.
Rhybuddion: Themâu hiliaeth a thrais; cyfeiriadau at drais rhywiol; iaith gref ac agored hiliol; gall gynnwys delweddau sy'n fflachio
Iaith: Caiff y profiad ei gyflwyno yn Ffrangeg a Saesneg. Byddwch chi’n gallu dewis pa iaith cyn dechrau’r profiad.
Cwestiynau Cyffredin
Beth yw profiad realiti estynedig?
Mae Realiti Estynedig (AR) yn cyfuno’r byd go iawn â chynnwys digidol, gan greu profiad ymdrochol amlsynhwyraidd. Ar gyfer y profiad yma, byddwch chi’n gwisgo penset realiti estynedig Hololens 2 (sy’n pwyso 566g) a chlustffonau Bose.
Profiad realiti estynedig yw Colored sy’n eich cludo i’r Unol Daleithiau, i Montgomery yn Alabama ar 2 Mawrth, 1955. Mewn lleoliad sydd wedi’i ddylunio’n arbennig ar gyfer y profiad, caiff y golygfeydd arwyddluniol o fywyd Claudette Colvin eu hailchwarae o’ch blaen yn ystod ei brwydr dros hawliau sifil. P’un a ydych chi ar eich pen eich hun neu mewn cwmni, byddwch chi’n gallu ymuno â’ch cyfoedion mewn profiad cyfunol.
Alla i wisgo fy sbectol?
Gallwch chi wisgo sbectol o dan y penset ond efallai bydd yn fwy cyfforddus i chi wisgo lensys cyffwrdd neu beidio â gwisgo’ch sbectol yn ystod y profiad.
Y maint mwyaf o sbectol sy’n gallu cael ei wisgo gyda’r penset yw 142mm o hyd a 50mm o uchder.
Beth yw'r mesurau iechyd a diogelwch?
Dyw’r rhan fwyaf o bobl ddim yn profi unrhyw ymatebion negyddol i Realiti Estynedig. Fodd bynnag, gall AR fod yn ddryslyd i unigolion sy’n niwroamrywiol, sydd ag amhariadau clywedol neu weledol, neu sy’n profi’r bendro, epilepsi, penysgafnder, trawiadau, salwch teithio neu lewygu.
Bydd hwyluswyr wedi’u hyfforddi wrth law i roi cymorth ac arweiniad yn ystod y profiad os bydd angen.
Rydyn ni'n glanhau a diheintio’r holl offer, gan gynnwys pensetiau, yn drylwyr â weipiau gwrthfacteria o safon ysbyty cyn pob defnydd.
Rhaid i bobl o dan 16 oed fod yng nghwmni rhiant neu warcheidwad. Ni argymhellir y profiad yma i bobl o dan 13 oed am na fydd y penset yn eu ffitio’n gywir.
Ni chaniateir babis mewn gwregys yn y profiad.
Ni fydd unrhyw westeion sy’n cyrraedd o dan ddylanwad alcohol neu gyffuriau yn gallu cymryd rhan yn y profiad.
![Novaya [Colored／Noire] (1)](https://res.cloudinary.com/wales-millennium-centre/image/upload/c_fill%2Cg_auto%2Ch_480%2Cw_640/f_auto/q_auto/v1770210599/WMC%20Content/Whats%20On/2026/Annwn%20prize/Novaya_Colored_Noire_1?_a=BAAAV6DQ "Novaya [Colored／Noire] (1)")
![Andrew Schneider [NOWISWHENWEARE (the stars)] (1)](https://res.cloudinary.com/wales-millennium-centre/image/upload/c_fill%2Cg_auto%2Ch_480%2Cw_640/f_auto/q_auto/v1770216427/WMC%20Content/Whats%20On/2026/Annwn%20prize/Andrew_Schneider_NOWISWHENWEARE_the_stars_1?_a=BAAAV6DQ "Andrew Schneider [NOWISWHENWEARE (the stars)] (1)")
![sister sylvester [Constantinopoliad] courtesy of Jill Steinberg](https://res.cloudinary.com/wales-millennium-centre/image/upload/c_fill%2Cg_auto%2Ch_480%2Cw_640/f_auto/q_auto/v1767715088/WMC%20Content/Whats%20On/2026/Annwn%20prize/sister_sylvester_Constantinopoliad_courtesy_of_Jill_Steinberg?_a=BAAAV6DQ "sister sylvester [Constantinopoliad] courtesy of Jill Steinberg")
![Karen Palmer [Consensus Gentium]](https://res.cloudinary.com/wales-millennium-centre/image/upload/c_fill%2Cg_auto%2Ch_480%2Cw_640/f_auto/q_auto/v1770114532/WMC%20Content/BOCS/Karen_Palmer_Consensus_Gentium?_a=BAAAV6DQ "Karen Palmer [Consensus Gentium]")