Mae’r profiad yma’n rhan o Wobr Annwn, gwobr fyd-eang newydd sy’n dathlu straeon ymdrochol gan artistiaid o bob cwr o’r byd.Wedi’u henwebu gan gymuned ryngwladol o guradwyr a sylwebwyr, mae pedwar darn o waith y rhestr fer yn dod i Ganolfan Mileniwm Cymru, gan eich gwahodd i gamu i mewn i’r stori. Pedwar byd, un lleoliad.

Gwaith sinema estynedig sy’n ymgasglu ei gynulleidfa ar gyfer gweithred o ddarllen ar y cyd. 

Nid stori yn unig yw Constantinopoliad; mae’n wahoddiad i ddarganfod. Mae’n cyfuno naratif a gweithred, gan wneud i ni deimlo mai ni yw’r cyntaf i ddod o hyd i’r archif yma, y cyntaf i ddatgelu stori Cavafy, i roi bywyd i’w eiriau. Mewn ymateb i archif y bardd Constantine Cavafy, mae’r stori wedi’i hysbrydoli gan y tudalennau gwag ac wedi’u rhwygo allan yn Constantinopoliad, an Epic, y dyddiadur a ddechreuodd Cavafy yn ei arddegau pan wnaeth e a’i deulu ffoi o Alexandria; gan archifau coll a chwiar drwy amser; a gan yr ysbrydion, erotig a hanesyddol, sy’n ymweld â’r Cavafy hŷn yn ei gerddi.

Gwnaeth y pwyllgor dewis ganmol ei ddefnydd o gyffwrdd, delweddau, sain a geiriau i greu profiad llawn bywyd i gynulleidfaoedd – gan eich gwahodd i fynd ar daith i ddychymyg Cavafy ifanc wrth iddo archwilio ei botensial creadigol a’i rywioldeb.

"Fy hoff ymateb i’r gwaith yma oedd aelod o’r gynulleidfa a ddisgrifiodd e fel ‘caru gyda dieithryn drwy lyfr’.
Mae’r gwaith yn gwahodd cynulleidfaoedd i gyfarfod chwantus a phendant gyda bywyd a cherddi Cavafy: bysedd yn cysylltu â hanes; golau yn datgelu lluniau rhwng y tudalennau; synau yn consurio ysbrydion cabaret Alecsandraidd o’r 19eg ganrif.

Gyda geiriau gan sister sylvester, sgôr gan Nadah El Shazly a darluniadau gan Efrîn Özyetis, mae Constantinopoliad yn gyfarfod amlsynhwyraidd â’r gorffennol a straeon coll sy’n gallu ein dychryn ni i ddychymyg newydd ar gyfer y presennol.” – sister sylvester