DEWCH I DDAWNSIO DRWY’R NOS!

Dewch i barti Here and Now, y sioe gerdd ddoniol newydd sbon sy’n seiliedig ar ganeuon y ffenomenon pop a werthodd filiynau o recordiau, Steps. Wedi’i ddisgrifio fel y “biggest jukebox hit since MAMMA MIA!” (The Sun), peidiwch â cholli’r dathliad twymgalon yma o gariad a chyfeillgarwch wrth iddo deithio ledled gwledydd Prydain ac Iwerddon yn dilyn premiere byd a dorrodd recordiau.

Mae’n nos Wener ac mae’r awyrgylch yn dda wrth i Caz a’i ffrindiau gwych freuddwydio am haf perffaith yn llawn cariad. Ond pan mae Caz yn darganfod fod ei breuddwyd yn gelwydd, ac mae ymdrechion y criw i fod yn rhamantus yn drasiedi llwyr, maen nhw’n dyfalu – a fydd cariad yn llenwi eu calonnau? Neu a ddylen nhw ei mentro hi ar ddiweddglo hapus…

Symudwch eich traed a theimlwch y curiad i anthemau pop eiconig cenhedlaeth mewn noson nefolaidd o gerddoriaeth. Wedi’i gynhyrchu gan Steps, ROYO a Pete Waterman, mae Here and Now yn cynnwys y caneuon One for Sorrow, Better The Devil You Know, Deeper Shade of Blue, 5, 6, 7, 8 a mwy.

Nawr yw’r amser i deimlo’n dda, felly profwch lawenydd y sioe gerdd Brydeinig wreiddiol newydd sbon yma, wedi’i chyfarwyddo gan yr arobryn Rachel Kavanaugh (Half a Sixpence, The Great British Bake Off Musical).

Bydd Sally Ann Matthews yn chwarae Patricia yn sioeau Caerdydd. Mae hi'n fwyaf adnabyddus am ei rôl fel Jenny Bradley yn Coronation Street ar ITV.

Mae Sally yn ymuno â chast y DU ac Iwerddon, sy'n cynnwys Lara Denning fel Caz, Jacqui Dubois fel Vel, Blake Patrick Anderson fel Robbie, Rosie Singha fel Neeta, River Medway fel Jem, Chris Grahamson fel Gareth, Edward Baker-Duly fel Max, Ben Darcy fel Ben, John Stacey fel Lesley a Lauren Woolf fel Tracey. 

Archebwch eich tocynnau nawr. Byddai colli allan yn drasiedi.