Diodde o'r felan? Wel os felly, dyma newyddion mawr – mae'r Jive Aces yn dod i droi eich gwg ar ben i lawr!

Pan welwch chi'r rhain yn ffrwydro i'r llwyfan yn eu siwtiau melyn enwog, byddwch chi'n tapio'ch traed ac yn gwenu fel ffŵl mewn dim o dro. Mae hon yn fwy na sioe, mae'n noson o amser da a'r gerddoriaeth orau, o swing synhwyrus i reiat roc a rôl, fydd yn eich gadael chi'n llawn egni.

Maen nhw wedi bod â'u halawon heintus i dros ddeugain o wledydd dros y 30 mlynedd diwethaf, gan brofi'n barhaus pam mai nhw yw prif fand jeif a swing gwledydd Prydain. Maen nhw'n llithro'n rhwydd o faledi menyn-yn-toddi i rhythm a blŵs llawn egni. Maen nhw wedi chwarae o flaen y Frenhines, wedi llenwi Neuadd Albert, ac wedi gwneud hanes fel y band cyntaf i gyrraedd rowndiau terfynol Britain's Got Talent. Gyda 250 o gigs y flwyddyn, maen nhw'n gallu troi unrhyw dorf yn llanast o fonllefau a dawnsio.

Mae'n debyg eich bod chi wedi clywed eu fersiwn nhw o glasur Morecambe and Wise "Bring Me Sunshine" – cân boblogaidd gyda bron i bedair miliwn o ymweliadau ar YouTube, sydd mor hyfryd fel bod un meddyg yn yr Unol Daleithiau wedi ei rhagnodi fel ffordd o gael gwared ar y felan. Mae wedi bod ar Strictly Come Dancing, ar Netflix, ar raglen heddlu Americanaidd ac yn ddiweddar fe ddywedodd y ddigrifwraig Miranda Hart mai hon yw un o'i hoff ganeuon gan ddatgan ar BBC Radio 3, "Mae'r Jive Aces yn gallu fy nghodi i oddi ar lawr gan wneud i fi anghofio fy hunan yn llwyr a dechrau dawnsio!"

Mae eu halbwm ddiweddaraf, Keeping The Show On The Road, yn llawn ffefrynnau'r dorf sydd wedi cyrraedd rhif 1 ar Siart Treftadaeth Mike Read ac sydd wedi'u chwarae ar y BBC a Boom Radio. Bydd rheini a'r hen glasuron fel ei gilydd yn siŵr o'ch cael i ddawnsio o'r nodyn cyntaf un.

Mae'r criw yma'n gwybod eu stwff. Maen nhw wedi rhannu llwyfannau gydag arwyr fel Van Morrison, John Travolta, Priscilla Presley, Jamie Cullum, Toto a Status Quo, ac wedi ennill gwobrau fel Gwobr Gerddoriaeth Ryngwladol Dinas Derry a Gwobr Clybiau Adloniant Prydain Fawr am eu cerddoriaeth a'u gwaith elusennol. A'u fideos cerddoriaeth? Maen nhw mor dda, maen nhw wedi ennill gwobrau mewn gwyliau ffilm. Ond yr hyn sy'n gwneud y Jive Aces yn arbennig yw'r ffordd maen nhw'n gwneud i chi deimlo eich bod chi yng nghanol y parti.

Felly peidiwch â cholli taith "Feelin' Happy"! Bachwch eich esgidiau dawnsio a pharatowch am noson o swing, jeif, ac adloniant pur sy'n siŵr o godi'ch calon fel ras balŵns aer poeth. Bachwch eich tocynnau nawr ar gyfer sioe fydd yn gwneud i chi wenu am wythnosau!