Bydd y gantores, cyfansoddwr caneuon ac adroddwr straeon llwyddiannus Judith Owen yn dod i Cabaret yng Nghanolfan Mileniwm Cymru ddydd Mercher 4 Mehefin 2026 fel rhan o gyfres arbennig o ddyddiadau byw yn cefnogi ei halbwm newydd Suit Yourself, sy’n cael ei ryddhau ym mis Ebrill 2026.
Bydd Owen yn dychwelyd i Gymru, ei chartref teuluol, am y tro cyntaf ers 2019, gan ddod â’i band o New Orleans, The Gentlemen Callers, a chyflwyno set byw sy’n cynnwys darnau newydd yn ogystal â hen ffefrynnau.
Yn adnabyddus am ystod arddulliol sy’n cynnwys jazz, blues, pop, roc, clasurol a theatr gerdd, mae Judith Owen wedi ennill enw da fel perfformiwr byw cyfareddol, gan gyfuno dawn gerddorol benigamp a ffraethineb siarp a straeon meistrolgar. Cafodd Owen ei geni i deulu cerddorol Cymreig a’i magu yn Llundain, a chafodd ei blynyddoedd ffurfiannol eu llunio gan gerddoriaeth glasurol, eiconau jazz a thraciau sain Broadway, dylanwadau sy’n parhau i lywio ei sain unigryw.
Dilynodd ei halbwm byw diweddar Judith Owen Comes Alive lwyddiant Come On & Get It yn 2022, a gafodd ei ffrydio miliynau o weithiau a’i wylio ar YouTube dros filiwn o weithiau. Wedi’i recordio yn ystod cyfnod preswyl yn Marians Jazzroom yn Bern, mae’r albwm byw yn ailymweld â chaneuon wedi’u hysbrydoli gan fenywod arloesol jazz a blues sy’n aml yn cael eu hanghofio, thema aml a diffiniol yng ngwaith Owen.
Mae dychweliad Judith Owen i Gymru yn Cabaret yng Nghanolfan Mileniwm Cymru yn addo noson agos-atoch, llawn egni yn dathlu cerddoriaeth newydd, straeon di-ofn a’r ysbryd anymddiheurol sydd wedi diffinio ei gyrfa.
Amser dechrau: 8:00pm, doors 7pm
Canllaw oed: 18+
IECHYD DA!
Mae'r drysau yn agor awr cyn i'r perfformiad ddechrau, er mwyn i chi ddod o hyd i fwrdd, cwrdd â'ch ffrindiau a chael diod o'n bar Cabaret.
Gallwch chi hefyd archebu drwy'r cod QR ar y byrddau drwy gydol y sioe a byddwn yn dod â'ch diodydd yn syth i'ch bwrdd. Hyfryd!
Nid yw’r seddi wedi’u cadw.
Cynghorwn fod grwpiau mawr yn cyrraedd yn gynnar fel y gallwch ddod o hyd i seddi gyda’ch gilydd.
Os bydd y sioe wedi gwerthu allan, mae’n bosibl y bydd rhaid i chi rannu bwrdd.
POBL ANABL, DAN 30 OED, MYFYRWYR + DIGYFLOGEDIG
Gostyngiad o £3
GRWPIAU
Gostyngiad o £3 i grwpiau 10+
Wrth archebu ar-lein, caiff y gostyngiad i grwpiau ei ychwanegu yn awtomatig pan fyddwch chi'n talu.
CYNLLUN HYNT
Tocynnau am ddim i ofalwyr a chymdeithion. Dysgwch fwy am gynllun hygyrchedd Hynt.
Mae pob cynnig yn amodol ar ddosraniadau ac argaeledd.
Darllenwch reolau'r tŷ sy'n helpu i wneud yn siŵr bod pawb yn cael amser gwych yn Cabaret
