Landless yw: Lily Power, Méabh Meir, Ruth Clinton a Sinéad Lynch.
Mae'r pedwarawd Gwyddelig yn canu hen hen faledi yn ogystal â chaneuon gwerin a ysgrifennwyd yn fwy diweddar. Weithiau heb gyfeiliant a weithiau gydag offerynnau cynnil, mae eu lleisiau cyfoethog yn dywyll ac yn amyneddgar; yn hudolus ac yn hyfryd. Lúireach yw eu hail albwm, ac fel gyda'u halbwm gyntaf lwyddiannus Bleaching Bones (2018), mae wedi’i chynhyrchu gan John ‘Spud’ Murphy, sy'n adnabyddus am ei waith gydag artistiaid fel Lankum ac ØXN.
Mae'n teimlo fel petai cerddoriaeth werin o Ddulyn ym mhobman ar hyn o bryd – gan gynnwys wrth i Lankum gael llu o enwebiadau 'Albwm y Flwyddyn' ar ddiwedd 2023 – ond byddai'n gamgymeriad meddwl am hyn fel datblygiad, heb sôn am adfywiad. Er bod Lankum, John Francis Flynn, Ye Vagabonds, Lisa O’Neill ac eraill yn enwau newydd i lawer o bosib, mae’r artistiaid yma wedi bod yn gwyntyllu ac yn ehangu’r hyn allai cerddoriaeth werin fod ers blynyddoedd, degawdau hyd yn oed. Ac mae hynny yr un mor wir am Landless, y pedwarawd sydd wedi bod yn canu gyda'i gilydd ers 2013, ar ôl dod o hyd i'w gilydd drwy sîn ganu draddodiadol y brifddinas ac, yn hollbwysig, cymuned canu'r Delyn Gysegredig.
Amser dechrau: 4pm
Hyd y perfformiad: Tua 50 munud
Canllaw oed: dim plant o dan 2 oed
Nodwch fod rhaid i bobl o dan 16 oed eistedd gydag oedolyn 18 oed neu hŷn.
Rhybuddion: Gall y digwyddiad yma gynnwys cerddoriaeth uchel, goleuadau sy'n fflachio neu strôb ac effeithiau mwg neu dawch.
Cynnig tocynnau
Prynwch docynnau ar gyfer 2 ddigwyddiad Llais i arbed 10%.
Prynwch docynnau ar gyfer 3 digwyddiad Llais i arbed 15%.
I fanteisio ar y cynnig ar-lein, rhaid i nifer y tocynnau ar gyfer pob digwyddiad fod yr un peth. Caiff y cynnig ei ychwanegu at eich basged. Nid yw’r cynnig yn cynnwys y Wobr Gerddoriaeth Gymreig, Jasdeep Singh Degun x Cerddorfa a Chorws Cenedlaethol Cymreig y BBC, na’r profiadau Sinema Realiti Rhithwir. Mae telerau ac amodau yn berthnasol.
Mae pob cynnig yn amodol ar ddyraniadau ac argaeledd.
Archebwch yn gynnar i sicrhau’r dewis gorau o seddi. Rydyn ni’n monitro ac yn addasu prisiau tocynnau yn rheolaidd i optimeiddio incwm a sicrhau ystod eang o brisiau lle y bo’n bosibl. Gall prisiau newid. Darllenwch fwy
