Mae'r trympedwr, y cyfansoddwr a'r darlledwr Linley Hamilton yn llais blaenllaw ar sîn jazz Iwerddon ers dros dri degawd.
Gan gydbwyso gyrfa berfformio ryngwladol â gwaith fel darlledwr jazz ar y BBC ac fel darlithydd prifysgol, mae wedi rhyddhau chwe albwm glodwiw — o Taylor Made (2010) hyd at Ginger's Hollow (2023), sy'n cynnwys Adam Nussbaum a Mark Egan.
Yn dilyn gradd Meistr Dosbarth Cyntaf a PhD mewn perfformio jazz, ymunodd Linley â Phrifysgol Ulster fel darlithydd, gan ddal ati i berfformio'n eang. Mae wedi bod yn brif artist yng Ngŵyl Jazz Corc gyda'i fand mawr bach gyda llinynnau, Making Other Arrangements, wedi teithio yn Iwerddon gyda'i bumawd, ac wedi ymddangos yn Pizza Express Soho yn Llundain.
Yn 2019, sefydlodd Linley a'i wraig Maggie eu canolfan eu hunain, Magy's Farm, sydd wedi cynnal dros 100 o gyngherddau ers hynny gydag artistiaid rhyngwladol gan gynnwys Larry Goldings Trio, Ari Hoenig, Enemy, Eddie Henderson a'r Joe Webb Trio. I gydnabod ei gyfraniad i jazz, dyfarnwyd MBE i Linley yn 2024.
Gallwch ddisgwyl canu trwmped persain, trefniannau dyfeisgar, a dyfnder profiad sy'n dod o oes o ymgolli mewn jazz.
Amser dechrau: 8pm, 7pm drysau
Oed: 18+
IECHYD DA!
Mae'r drysau yn agor awr cyn i'r perfformiad ddechrau, er mwyn i chi ddod o hyd i fwrdd, cwrdd â'ch ffrindiau a chael diod o'n bar Cabaret.
Gallwch chi hefyd archebu drwy ein ap drwy gydol y sioe a byddwn yn dod â'ch diodydd yn syth i'ch bwrdd. Hyfryd!
Nid yw’r seddi wedi’u cadw.
Cynghorwn fod grwpiau mawr yn cyrraedd yn gynnar fel y gallwch ddod o hyd i seddi gyda’ch gilydd.
Os bydd y sioe wedi gwerthu allan, mae’n bosibl y bydd rhaid i chi rannu bwrdd.
POBL ANABL, DAN 30 OED, MYFYRWYR + DIGYFLOGEDIG
Gostyngiad o £3
GRWPIAU
Gostyngiad o £3 i grwpiau 10+
Wrth archebu ar-lein, caiff y gostyngiad i grwpiau ei ychwanegu yn awtomatig pan fyddwch chi'n talu.
CYNLLUN HYNT
Ar gael ar gyfer y cynhyrchiad hwn. Darganfod mwy.
Mae pob cynnig yn amodol ar ddosraniadau ac argaeledd.
RHEOLAU TŶ CABARET
Darllenwch reolau'r tŷ sy'n helpu i wneud yn siŵr bod pawb yn cael amser gwych yn Cabaret
