Ymunwch â’r artist a enillodd Wobr Oram yn 2023, Natalie Roe, mewn gweithdy archwiliadol tair awr sy’n cyflwyno ac yn datblygu profiad cyfranogwyr o ddefnyddio samplau wedi’u recordio mewn cerddoriaeth. Mae’r gweithdy yma ar gyfer menywod a chyfranogwyr nad
ydyn nhw’n cydymffurfio o ran eu rhywedd.
Yn ystod y sesiwn, byddwn yn gweithio gyda’n gilydd i greu cronfa o synau a chlipiau cerddoriaeth byr, gan ddefnyddio’r llais ac offerynnau electronig. Dan arweiniad Natalie Roe, bydd hon yn sesiwn chwareus i ddatblygu pecyn samplau gyda’n gilydd, a gall y cyfranogwyr wedyn fynd ag ef adref gyda nhw i greu ymhellach.
Mae Natalie Roe yn gyfansoddwraig, yn gynhyrchydd ac yn artist electronig sy’n gweithio rhwng Caerdydd a Gorllewin Canolbarth Lloegr. Mae hi’n cyfuno synau acwstig ac electronig â chyfryngau eraill mewn amrywiaeth o brosiectau amlddisgyblaethol. Mae hi’n arbenigo mewn perfformio tirluniau sain electronig yn fyw gyda syntheseisydd modiwlaidd a ddefnyddir ganddi yn aml i drin a manipwleiddio synau o’r byd go iawn.
Amlinelliad y sesiwn:
-
Croeso a chyflwyno'ch hun
-
Perfformiad fer o'r synth modwlar a llais
-
Rhaniad o broses greadigol Natalie a'r lleisydd
-
Dangosiad o'r dechnoleg - yn enwedig y synth modwlar
-
Amser archwilio, cyfranogwyr mewn grwpiau, parau, neu'n unigol yn creu seiniau lleisiol ac electroneg
-
Recordiad o samplau trwy gydol yr amser archwilio
-
Rhannu'ch profiad, seiniau, a'ch sylwadau i gloi.
Yn falch o fod yn rhan o Ŵyl Dinas Gerdd Caerdydd.
Mae Gwobrau Oram yn falch o gael cydweithio â Tŷ Cerdd | Cerddoriaeth Cymru drwy raglen Gŵyl y Llais, ynghyd â’r lleoliad llawr gwlad Paradise Garden, i ddod â chymunedau o Gymru, y Deyrnas Unedig ac o bedwar ban byd ynghyd yng Nghaerdydd dros benwythnos 9–11 Hydref.
Mae Gwobrau Oram a Tŷ Cerdd yn ddau sefydliad sy’n frwd eu cefnogaeth i artistiaid benywaidd a rhywedd-amrywiol sy’n archwilio amrediad eang sain, a’r ddau yn dod at ei gilydd i ddathlu’r byd creadigol anarferol, unigryw a di-hid y maent yn ei hyrwyddo.
Bydd hyn oll yn cyrraedd Caerdydd 8 Hydref, wrth i enillwyr Gwobrau Oram eleni ymuno â Tŷ Cerdd a chymuned Llais i brofi’r byd cerddoriaeth arbrofol yng Nghymru. O sesiynau cymdeithasol a gweithdai i berfformiadau byw, bydd digon o gyfleoedd i’r cyhoedd ehangach gymryd rhan a mynychu digwyddiadau o dan faner Oramic Waves.
Dim ond £5 yw’r pris mynediad i bob digwyddiad. Gan fod lleoliadau’r digwyddiadau hyn yn tueddu i fod yn fach, argymhellir yn gryf eich bod yn archebu ymlaen llaw er mwyn osgoi cael eich siomi.
Amser dechrau: 1pm
Ar agor i: Menywod ac artistiaid rhywedd-amrywiol o unrhyw lefel
