Abena (ADJUA) Mensah:

Artist R&B amgen o Gaerdydd yw Adjua, sy'n cyfuno llais llawn enaid gyda rhythmau jazz a dyfnder ysbrydol. Fel enillydd Gwobr Triskel yng Ngwobr Gerddoriaeth Gymreig 2024, mae wedi perfformio yn SXSW (Texas a Llundain) a Glastonbury, gan berfformio sioeau byw eang ond agos atoch. 

Bruna Garcia: 

Cantores-gyfansoddwraig 23 oed yw Bruna Garcia, sy'n dod ag egni newydd i sîn gerddoriaeth Cymru. Gan gyfuno R&B dechrau'r 2000au gyda'i gwreiddiau yn Cape Verde, mae ei sain llawn enaid wedi ennill slotiau gŵyl iddi yn Sŵn a Dinas Gerdd Caerdydd gyda BBC Introducing Live (Cymru), yn ogystal â sylw ar BBC Radio Wales. Mae Bruna wedi cael ei henwi'n un o'r Rhai i'w Gwylio gan Youth Music ar gyfer 2025 ac wedi cael cefnogaeth gan Gronfa Lansio Gorwelion y BBC, ac mae’n prysur ddod yn un o leisiau newydd mwyaf cyffrous Cymru. 

Nathan Misra: 

Artist cerddorol, cynhyrchydd, a chyfarwyddwr creadigol yw Nathan Misra, a fe hefyd yw sylfaenydd Silkcrayon, label a stiwdio yng Nghaerdydd a sefydlwyd yn 2020. Ers ei sefydlu, mae Silkcrayon wedi dod yn ganolfan i artistiaid sy'n dod i'r amlwg ac sy'n ceisio creu cerddoriaeth a delweddau o'r ansawdd uchaf. Nathan hefyd yw sylfaenydd Silkfutures, sefydliad nid-er-elw sy'n ymroddedig i gefnogi artistiaid ifanc – nid yn unig yn eu gyrfaoedd cerddorol, ond i’w grymuso a'u tywys i adeiladu dyfodol disglair a chreadigol. 

Yasmine Latkowsi: 

Cyfansoddwraig a pherfformwraig cyfryngau deinamig  yw Yasmine Latkowski, sy’n creu cerddoriaeth sy’n cyfuno synau o'r Dwyrain Canol, Cymru, a’r byd. Mae ei gwaith wedi cael sylw gan y Cenhedloedd Unedig, BBC Africa Eye, BBC Panorama, a National Theatre Wales, ac mae hi’n adnabyddus am fynd i’r afael â themâu cymdeithasol grymus drwy ei chyfansoddiadau. Gyda'i phrosiect newydd Panedeni, sy’n cael ei gefnogi gan Gyngor Celfyddydau Cymru, mae Yasmine yn pontio traddodiadau Arabeg, Saesneg a Chymraeg, gan ddod â pherfformiadau cyfareddol i lwyfannau fel Focus Wales a'r Eisteddfod Gydwladol.

Andy Jones: 

Andy Jones yw cyd-sylfaenydd a rhaglennydd cerddoriaeth FOCUS Wales, un o’r gwyliau arddangos doniau mwyaf yng ngwledydd Prydain. Gyda thros 20 mlynedd yn y diwydiant cerddoriaeth fel artist, pennaeth label, a hyrwyddwr, mae wedi gweithio ar recordiau newydd ledled Prydain, Ewrop, a Chanada. Bob blwyddyn, mae FOCUS Wales yn gweddnewid Wrecsam yn llwyfan byd-eang gyda 250+ o artistiaid a 25,000 o gefnogwyr. Mae Andy hefyd yn mynd â doniau Cymru i bedwar ban byd, gyda pherfformiadau yn SXSW, Reeperbahn, ESNS, a mwy. Mae Andy’n angerddol am hyrwyddo cerddoriaeth newydd, ac mae’n dod â phrofiad byd-eang a chyfleoedd newydd i'r genhedlaeth nesaf o artistiaid.