Dros y degawd diwethaf, mae Radio Platfform wedi bod wrth wraidd cenhadaeth Canolfan Mileniwm Cymru i hyrwyddo mynegiant creadigol, meithrin talent ifanc ac uwchraddio lleisiau ifanc ledled Cymru. Ym mis Hydref, rydyn ni’n dathlu deng mlynedd o effaith, arloesedd a chymuned – ac mae croeso i ti ymuno.
Wedi'i eni yn ystod blwyddyn gyntaf Gŵyl y Llais (Llais bellach) ddeng mlynedd yn ôl, mae Radio Platfform wedi tyfu i fod yn lasbrint ar gyfer rhaglen Dysgu Creadigol ehangach, Platfform. Mae mwy na 700 o bobl ifanc wedi cymryd rhan yn ein cyrsiau Darlledu Radio, gan gynhyrchu sioeau byw wythnosol ac wedi’u recordio ymlaen llaw. Mae llawer wedi mynd ymlaen i lunio'r diwydiant cynhyrchu radio a sain – gan gynnwys cyn-fyfyrwyr fel Molly Palmer ar BBC Radio Cymru, cyn-aelod a llysgennad ar gyfer Radio Platfform.
Mae'r digwyddiad carreg filltir hwn yn anrhydeddu'r bobl a adeiladodd Radio Platfform, yn dathlu'r gwaith sy'n digwydd heddiw ac yn croesawu'r genhedlaeth nesaf o bobl greadigol o Gymru sy'n barod i wneud eu marc.
Beth i'w Ddisgwyl
Noson dwymgalon sy'n dod ag aelodau Radio Platfform o’r gorffennol a'r presennol, gweithwyr proffesiynol y diwydiant, artistiaid sy'n dod i'r amlwg a chynulleidfaoedd newydd ynghyd.
Mae'r digwyddiad yn cynnwys:
-
Trafodaethau panel gyda chyn-fyfyrwyr, darlledwyr cyfredol a gwesteion o’r diwydiant
-
Gair llafar byw a cherddoriaeth gan artistiaid datblygol mwyaf cyffrous Cymru
-
Diodydd croeso a lluniaeth wrth gyrraedd
-
Cyfleoedd i rwydweithio gyda phobl greadigol, cynhyrchwyr, artistiaid ac aelodau o'r gymuned
Pam Mae'n Bwysig
Am ddeng mlynedd, mae Radio Platfform wedi grymuso pobl ifanc i ddod o hyd i'w llais, magu hyder a chreu gwaith ystyrlon. Mae'r pen-blwydd hwn yn ddathliad ac yn wahoddiad, gan gydnabod y gymuned a luniodd yr orsaf wrth groesawu'r don nesaf o storïwyr a fydd yn diffinio ei dyfodol.
Manylion y Digwyddiad
8 Hydref 5.30–7pm, Cabaret, Canolfan Mileniwm Cymru
Os wyt ti’n weithiwr proffesiynol yn y diwydiant ac â diddordeb mewn dod, e-bostia platfform@wmc.org.uk i gael rhagor o wybodaeth.
