Ymunwch â ni yn Stiwdio Weston am noson o gerddoriaeth gyfareddol gan ddau artist anhygoel.
Shovel Dance Collective
Grŵp o naw yw Shovel Dance Collective y mae eu gwaith wedi'i ysbrydoli gan gerddoriaeth werin draddodiadol o wledydd Prydain, Iwerddon a'r tu hwnt. Mae'r grŵp yn cyfuno dylanwadau gwerin traddodiadol â byrfyfyrio cyfoes, mela gyda'r tâp, a recordiadau maes wrth grefftio eu sain unigryw ac emosiynol gymhleth.
Mae eu halbwm ddiweddaraf, The Shovel Dance, yn estyn am ychwanegiad grymus cyd-fynegiant sydd wedi bod yn hanfodol i gerddoriaeth draddodiadol erioed, ac mae wedi galluogi'r grŵp i ddeall eu safbwynt eu hunain ar y deunydd maen nhw'n ei chwarae.
Naima Bock
Yn ymuno â Shovel Dance Collective bydd Naima Bock, cantores a chyfansoddwraig sydd wedi dod o hyd i'w llais mewn cerddoriaeth werin ers gadael y band roc indi llwyddiannus Goat Girl yn 2022.
Cafodd Naima Bock ei geni yn Ynys Wydrin (Glastonbury) i dad o Frasil a mam o Wlad Groeg, a threuliodd ei phlentyndod cynnar ym Mrasil cyn dychwelyd i Loegr yn y pen draw. Mae ei cherddoriaeth yn adleisio'r dreftadaeth unigryw hon; o'r caneuon Brasilaidd y byddai'r teulu'n gwrando arnyn nhw wrth yrru i'r traeth, i'r traddodiadau gwerin Ewropeaidd y daeth ar eu traws ei hunan. Mae ei cherddoriaeth yn tynnu ar deulu, y ddaear a throsglwyddo cerddoriaeth rhwng y cenedlaethau, ac mae'n dod yn fyw drwy drefniannau gofalus a lleisio heb ei ail.
Amser dechrau:
Naima Bock, 7.30pm
Shovel Dance Collective, 9pm
Hyd y perfformiad: Tua 2 awr a 40 munud (gan gynnwys un egwyl)
Canllaw oed: dim plant o dan 2 oed
Nodwch fod rhaid i bobl o dan 16 oed eistedd gydag oedolyn 18 oed neu hŷn.
Rhybuddion: Gall y digwyddiad yma gynnwys cerddoriaeth uchel, goleuadau sy'n fflachio neu strôb ac effeithiau mwg neu dawch.
Cynnig tocynnau
Prynwch docynnau ar gyfer 2 ddigwyddiad Llais i arbed 10%.
Prynwch docynnau ar gyfer 3 digwyddiad Llais i arbed 15%.
I fanteisio ar y cynnig ar-lein, rhaid i nifer y tocynnau ar gyfer pob digwyddiad fod yr un peth. Caiff y cynnig ei ychwanegu at eich basged. Nid yw’r cynnig yn cynnwys y Wobr Gerddoriaeth Gymreig, Jasdeep Singh Degun x Cerddorfa a Chorws Cenedlaethol Cymreig y BBC, na’r profiadau Sinema Realiti Rhithwir. Mae telerau ac amodau yn berthnasol.
Mae pob cynnig yn amodol ar ddyraniadau ac argaeledd.
Archebwch yn gynnar i sicrhau’r dewis gorau o seddi. Rydyn ni’n monitro ac yn addasu prisiau tocynnau yn rheolaidd i optimeiddio incwm a sicrhau ystod eang o brisiau lle y bo’n bosibl. Gall prisiau newid. Darllenwch fwy.
