Mae sioe deyrnged orau gwledydd Prydain Prydain – yn ôl pleidlais swyddogol gan Gymdeithas Asiantiaid Prydain Fawr dair blynedd yn olynol – yn dod i Cabaret yn syth o Theatr Leicester Square Llundain, yr O2 a Pherfformiad Brenhinol. David Alacey (Lovejoy ac Inspector Alleyn) sy'n serennu fel Frank Sinatra ochr yn ochr ag un o ffefrynnau'r West End, Tim Harwood fel Dean Martin.

Yn ymuno â nhw bydd seren rhaglen boblogaidd y BBC “Jamie Johnson FC”, Jim Whitley, fel Sammy Davis Jnr yn y sioe Rat Pack wreiddiol, sydd bellach yn dathlu ei seithfed flwyddyn ar hugain. Gyda'i gilydd maen nhw'n rhyfeddu cynulleidfaoedd gyda'u hail-gread o gerddoriaeth Sinatra, Martin a Davis, mewn sioe ragorol sy'n dod ag arddull a chyffro uchelfannau Las Vegas yn fyw. Mae'n cynnwys yr holl ganeuon mawr – My Way, Mr Bojangles, New York New York, Amore, Come Fly With Me! Mae'r sioe hefyd yn cynnwys y Cyfarwyddwr Cerdd gyda'r BBC Mac Shone wrth y Piano ochr yn ochr â Buddy Greco All-Stars. Roedd Greco yn aelod o'r Pack go iawn yn Las Vegas ac yn gyfaill i Marilyn Monroe (gan dreulio'r penwythnos olaf enwog hwnnw yn Llyn Tahoe gyda Sinatra a Marilyn), ac fe roddodd sêl ei fendith i'r sioe gan ddweud “Mae'r rhain yr un ffunud â fy ffrindiau annwyl, roedd hi fel bod 'nôl yn y Sands.” Mae hefyd yn ychwanegu cyffyrddiad o'r Rat Pack go iawn i'r sioe, drwy wneud ymddangosiad gwadd wedi'i recordio'n arbennig. Yn union fel yr ymunai Gwesteion Arbennig annisgwyl â Frank, Dean a Sammy ar y llwyfan yn y Sands, mae'r elfen yna o hudoliaeth theatrig yn cael ei hail-greu yn y sioe yma gydag ymddangosiadau gan sêr fel Marilyn Monroe, Nancy Sinatra a Liza Minnelli, sy'n ychwanegu hyd yn oed mwy o glam i'r cynhyrchiad disglair yma. Ac mae'r geiriau'n wir, dyma sy'n creu atgofion!