Mae’r trwmpedwr Tomos Williams yn dychwelyd i Llais gyda’r symudiad olaf o’i gyfres arloesol 'Cwmwl Tystion', sy’n archwilio digwyddiadau yn hanes Cymru drwy gerddoriaeth.
Yn dilyn perfformiad Cwmwl Tystion II/Riot! yn Llais yn 2023, mae Tomos unwaith eto wedi ymgynull casgliad o gerddorion Cymreig a rhyngwladol rhyfeddol ar gyfer Cwmwl Tystion III / Empathy.
Mae Nia Lynn ac Eadyth Crawford yn ddwy o leisiau mwyaf creadigol ac amryddawn Cymru.
Daw Melvin Gibbs, o Brooklyn, Efrog Newydd, ac mae'n enw rhyngwladol ar y bas drydan; disgrifia' Time Out New York ef fel ' chwaraewr bas gorau'r byd', ac mae wedi gweithio gyda pawb o Ornette Coleman i Henry Rollins. Mae’r gitarydd Gwyddelig Chris Guilfoyle wedi gwneud enw i'w hun fel un gerddorion mwya' cyffrous yr Ynys Werdd.
Yn olaf, mae Mark O'Connor ar y drymiau, a delweddau byw gan Simon Proffitt, y ddau yn aelodau creuddiol o bob pennod o 'Cwmwl Tystion'.
Fe deithiodd Cwmwl Tystion III / Empathy Cymru yn 2024, a bydd y perfformiad yma yn Llais yn dod a'r prosiect i fwcl, ac yn dathlu rhyddhau'r albwm Cwmwl Tystion III / Empathy yn gynharach eleni.
Daw’r enw 'Cwmwl Tystion' o'r gerdd 'Pa Beth yw Dyn?' gan y bardd Waldo Williams. Mae’r gerddoriaeth – sy’n cyfuno elfennau o jazz, roc trwm a cherddoriaeth werin Gymreig ynghyd â delweddau byw – yn cyfeirio at ddigwyddiadau yn hanes Cymru ac yn eu coffáu, megis y 'Welsh Not', trychineb Aberfan, Streic y Glowyr a chysylltiad Paul Robeson â Chymru.
Perfformwyr
Tomos Williams – trwmped
Nia Lynn – llais
Eadyth Crawford – llais
Chris Guilfoyle – gitâr drydan
Melvin Gibbs – bas drydan
Mark O'Connor – drymiau
Simon Proffitt – delweddau byw
Amser dechrau: 9pm
Hyd y perfformiad: Tua 1 awr a 10 munud (dim egwyl)
Canllaw oed: dim plant o dan 2 oed
Nodwch fod rhaid i bobl o dan 16 oed eistedd gydag oedolyn 18 oed neu hŷn.
Rhybuddion: Gall y digwyddiad yma gynnwys cerddoriaeth uchel, goleuadau sy'n fflachio neu strôb ac effeithiau mwg neu dawch.
Cynnig tocynnau
Prynwch docynnau ar gyfer 2 ddigwyddiad Llais i arbed 10%.
Prynwch docynnau ar gyfer 3 digwyddiad Llais i arbed 15%.
I fanteisio ar y cynnig ar-lein, rhaid i nifer y tocynnau ar gyfer pob digwyddiad fod yr un peth. Caiff y cynnig ei ychwanegu at eich basged. Nid yw’r cynnig yn cynnwys y Wobr Gerddoriaeth Gymreig, Jasdeep Singh Degun x Cerddorfa a Chorws Cenedlaethol Cymreig y BBC, na’r profiadau Sinema Realiti Rhithwir. Mae telerau ac amodau yn berthnasol.
Mae pob cynnig yn amodol ar ddyraniadau ac argaeledd.
Archebwch yn gynnar i sicrhau’r dewis gorau o seddi. Rydyn ni’n monitro ac yn addasu prisiau tocynnau yn rheolaidd i optimeiddio incwm a sicrhau ystod eang o brisiau lle y bo’n bosibl. Gall prisiau newid. Darllenwch fwy
