Byddwch yn barod am noson llawn egni a dyfeisgarwch. Bydd hyd at ugain o gerddorion ifanc anabl a heb fod yn anabl o’r Gerddorfa Ieuenctid Agored Genedlaethol (NOYO) yn ymuno â chwaraewyr gwadd o BBC NOW mewn cyngerdd sy’n ailddiffinio beth gall cerddorfa fodern fod.
Gallwch ddisgwyl cymysgedd syfrdanol o offerynnau sy’n creu seinfyd beiddgar a ffres – o offerynnau llinynnol a phres i acordion, telyn a seiniau electronig. Peidiwch â cholli eu perfformiad bywiog o ddetholiadau o’r Pedwar Tymor gan Vivaldi, a’u perfformiad llawen o Juba Dance gan Florence Price, gyda sain unigryw’r chwiban Swanee! Bydd y perfformiad o ddarn gwefreiddiol Michael Betteridge, Soaring Through Sparks, yn cynnwys yr unawdydd Alessandro Vazzana, sy’n chwarae’r Clarion (offeryn electronig) gan ddefnyddio symudiad y pen.
Bydd hwn yn gyngerdd llawn enaid, gyda NOYO yn perfformio Barriers gan Oliver Cross, teyrnged deimladwy i gerddorion anabl. O dan y thema #EinCerddorfaNi, mae gan bawb ran i’w chwarae, ar y llwyfan ac yn y gynulleidfa, wrth i gerddorion ddatgelu comisiwn newydd ar y cyd â Charlotte Harding, wedi’i greu mewn partneriaeth â’r BBC.
Mae’r cyngerdd hamddenol hwn yn addas i bawb, gan gynnwys cynulleidfaoedd niwrowahanol ac anabl, a theuluoedd.
Rhaglen
Y Pedwar Tymor (Gwanwyn) - Vivaldi (trefniant Rhian Davies)
Y Pedwar Tymor (Hydref) - Vivaldi (trefniant Ellen O’Brien)
Y Pedwar Tymor (Gaeaf) - Vivaldi (trefniant Ellen O’Brien)
Juba Dance - Florence Price (trefniant Rhian Davies)
Barriers - Oliver Cross (trefniant Liam Taylor-West)
Soaring Through Sparks - Michael Betteridge (trefniant Julia Koelmans)
Gwesteion:
Alice Farnham - Arweinydd
Alessandro Vazzana - Clarion (Quha Zono headmouse)
13 o gerddorion Cerddorfa Genedlaethol Gymreig y BBC
Amser Dechrau: 3pm
Amser rhedeg: Tua awr
Manylion hygyrch:
Mae’r perfformiad hamddenol hwn wedi’i lunio i fod yn addas ar gyfer cynulleidfaoedd niwrowahanol ac anabl, teuluoedd, ac unrhyw un a allai elwa o awyrgylch mwy anffurfiol.
Mae gennym agwedd hyblyg tuag at sŵn, ac mae aelodau’r gynulleidfa’n rhydd i fynd a dod o’r neuadd gyngerdd yn ôl yr angen. Os ydych chi’n dod i’r cyngerdd gyda phlant ifanc, gofynnwn yn garedig i chi helpu i gadw lefel y sŵn i lawr gymaint â phosibl er mwyn osgoi tynnu sylw’r gerddorfa. Bydd ardal dawel y tu allan i’r neuadd gyngerdd ar gyfer unrhyw un sydd angen amser tawel cyn neu yn ystod y perfformiad.
Bydd man eistedd hamddenol gyda bagiau ffa yn y neuadd gyngerdd. Does dim modd prynu tocynnau ar gyfer y bagiau ffa, ond gallwch symud i eistedd ar un ar y diwrnod.
Dehongliad Iaith Arwyddion Prydain:
Bydd dehongliad Iaith Arwyddion Prydain (BSL) ar gyfer y cyngerdd hwn, gyda’r dehonglydd ar ochr dde’r llwyfan.
Rhagor o wybodaeth am hygyrchedd:
I gael gwybodaeth am seddi a chyfleusterau hygyrch, ewch i Dudalen Hygyrchedd Neuadd Hoddinott.
https://www.bbc.co.uk/programmes/articles/5PrvjhTgvZgG6V3RX09DBwp/bbc-now-noyo-access-information
Cynigion:
O dan 26, di-waith, anabl £6 i ffwrdd
Cynigion Hynt yn gymwys
Pris tocynnau:
Safonol: £10
O dan 26, di-waith ac anabl: £6
Mae cynllun hygyrchedd Hynt yn gymwys, mae rhagor o wybodaeth yma
Hygyrchedd:
I archebu tocynnau ar gyfer defnyddwyr cadeiriau olwyn sy'n mesur dros 90cm o led ac 80cm o hyd, ffoniwch y swyddfa docynnau ar 029 2063 6464. Yn anffodus nid yw'n bosib archebu'r llefydd yma ar-lein
Mae pob cynnig yn amodol ar seddi penodol, dyraniadau ac argaeledd.
