Glanfa yw ein man cyhoeddus mwyaf, ac fe’i defnyddir ar gyfer ystod eang o berfformiadau, digwyddiadau, gosodweithiau celf, gweithgareddau crefft i’r teulu ac arddangosfeydd am ddim, ond mae hefyd yn ardal berffaith ar gyfer derbyniadau, ciniawau, arddangosfeydd a lansiadau preifat.

Yn unol â’i enw, mae Glanfa yn gweddu’n berffaith i’w safle ger y glannau, ac mae’n lleoliad unigryw ar gyfer eich digwyddiad. 

Gall Glanfa ddarparu ardal giniawa neu seremoni wobrwyo gyfareddol ar gyfer hyd at 350 o westeion, derbyniad i 500 neu gellir hyd yn oed ei weddnewid yn lleoliad anhygoel ar gyfer ffilmio. Mae un peth yn sicr, beth bynnag yw’r digwyddiad, mi fydd yn hollol odidog yn Glanfa.