Homili o wychder Du Cwiar drwy Emynau Negroaidd.

Mae Le Gateau Chocolat yn cyflwyno Gwasanaeth Sul na welwyd ei debyg, mewn molawd i ddwy soprano Ddu Americanaidd arloesol – Jessye Norman a Kathleen Battle.

Gan gydweithio â’r Cyfarwyddwr Cerdd enwog Allyson Devenish (NitroVoX), perfformir detholiad o gyngerdd enwog Norman a Battle yn Neuadd Carnegie yn 1990 ‘Sing Spirituals’.

Gan gymylu’r ffiniau rhwng ysbrydolrwydd neu grefydd, ac ysbrydegaeth yr hunan, bydd Spirituals Gateau yn mynd â’n cynulleidfa ar daith yr enaid.

Fe wnaeth gweld Jessye Norman a Kathleen Battle yn perfformio gyda cherddorfa o bobl wyn i gyd roi cychwyn ar syniadau na allai’r Gateau ifanc prin eu dychmygu, ond mae’n eu byw erbyn hyn. Tra bod derbyn yr hunan yn golygu herio’i fagwraeth hynod Gristnogol yn Nigeria, roedd grym cerddoriaeth y gofodau cysegredig yma’n drawsnewidiol – o’r eglwys i Neuadd Carnegie, a nawr Canolfan Mileniwm Cymru.

Croeso i ofod cysegredig Gateau – ei lwyfan, ei eglwys, ei lawr dawnsio – ei ofod diogel. Diogel i wyntyllu cymhlethdod cyfoethog y ffordd mae caneuon a anwyd mewn caethwasiaeth yn dwyn iachawdwriaeth; a lle mae diaspora a drag yn gwrthdaro mewn ffordd sydd ddim ond yn bosib gyda Le Gateau Chocolat.