Mae llais hudolus a threfniadau llawn emosion KEELEY FORSYTH yn cwrdd â cherddoriaeth bop-ffrîc fwyafol AUDIOBOOKS yn y sioe hon yn Llais.
KEELEY FORSYTH
Yn gerddor ac actor o Oldham yng ngogledd orllewin Lloegr, mae cerddoriaeth Forsyth yn canolbwyntio ar fynegiant lleisiol unigol, sy’n emosiynol amrwd a magnetig, ac yr un mor ddinistriol ag y mae’n dyrchafol. Mae ei llais wedi ennyn cymariaethau â Scott Walker ac Aldous Harding.
Mae’r cymeriadau sy’n poblogi ei chaneuon yn adrodd straeon am lanw a thrai, rhyddid a chaethiwed, a buddugoliaethau ynghyd â chorneli tywyll bywyd domestig. Rhyddhawyd ei hail albwm ‘Limbs’ ym mis Chwefror 2022.
MWY GAN KEELEY FORSYTH
AUDIOBOOKS
Deuawd yw audiobooks, sef y lleisydd/artist gweledol Evangeline Ling a'r cynhyrchydd profiadol o Gymru David Wrench, sydd wedi gweithio gyda phobl fel Frank Ocean, David Byrne, Caribou a The xx. Fel act cerddoriaeth bop-ffrîc, maent yn adnabyddus am eu sioeau byw gafaelgar y mae angen eu gweld i'w credu.
Mae eu halbwm diweddaraf, Astro Tough, a ryddhawyd ar Heavenly Records y llynedd, yn dangos eu brand unigryw o gerddoriaeth bop synth ecsentrig. Mae'r sengl The Doll yn disgrifio atgof annifyr o blentyndod dros gerddoriaeth ddawns hypnotig. Edrychwn ymlaen yn fawr at ddawnsio i'r gân ym mis Hydref.