Rydyn ni creu profiadau ysbrydoledig sy’n cyfoethogi bywydau pobl ifanc yng Nghymru, ac yn rhoi’r cyfle iddynt adrodd eu storïau a bod yn greadigol.
Rydyn ni’n annog y genhedlaeth nesaf i ddefnyddio’i llais a datblygu sgiliau creadigol sy’n hollbwysig ar gyfer gwarchod ei lles personol, cymdeithasol ac economaidd yn y dyfodol.
Yr hyn a wnawn...
Annog chwilfrydedd
Rydyn ni’n rhoi cyfleoedd i bobl ifanc ddatblygu hyder creadigol a’u potensial, drwy eu galluogi i adrodd eu storïau mewn ffyrdd sy’n apelio iddyn nhw.
Ennyn hyder
Rydyn ni’n datblygu sgiliau bywyd drwy brofiadau creadigol sy’n ffocysu ar gyfathrebu, wytnwch a’r mwynhad sydd i’w gael o ddysgu.
Codi dyheadau
Gwyddwn fod gan ddiwylliant y pŵer i ysbrydoli, tanio uchelgais a datblygu hunangred. Mae ein gwaith yn cefnogi unigolion i ddatblygu meddylfryd positif.
Meithrin y dyfodol
Rydyn ni’n rhoi cymorth i'r genhedlaeth nesaf o leisiau i greu, a hynny drwy sicrhau eu bod nhw ar flaen y llwyfan ac yn cyfrannu at Gymru sy’n adlewyrchu eu dyheadau. Rydyn ni’n gwneud hyn drwy...
Greu gofod
Galluogi pobl ifanc i weithio’n greadigol mewn gofodau corfforol a digidol y maen nhw’n eu perchnogi a gweithredu.
Dysgu drwy wneud
Rydyn ni’n sicrhau ein bod ni’n creu cynnwys a phrofiadau gyda phobl ifanc sy’n datblygu sgiliau creadigol ar y cyd â sgiliau bywyd.
Creu cysylltiadau
Cydweithio ag ystod eang o bartneriaid, gan gysylltu profiadau dysgu i fywyd go iawn, a chefnogi pobl ifanc i wneud newidiadau cadarnhaol.
Rydyn ni eisoes wedi
- Ymrwymo i flaenoriaethu rhoi cyfleoedd i’r bobl ifanc hynny sydd wedi’u heffeithio fwyaf gan galedi.
- Rhoi cyd-gynhyrchu wrth galon ein rhaglen, gan roi’r cyfle i bobl ifanc leisio’u barn am y gwaith rydyn ni’n ei greu gyda’n gilydd.
- Ymrwymo i ddatblygu gofodau ar ein safle sydd wedi’u dylunio, eu datblygu, eu perchnogi a’u rhedeg gan bobl ifanc.
- Creu a datblygu Radio Platfform sy’n rhoi cyfle i bobl ifanc ddysgu sgiliau newydd ac yn rhoi platfform iddyn nhw ddefnyddio’u lleisiau.
- Ymrwymo i ddatblygiad Radio Platfform yn y Porth, mewn partneriaeth â Sparc a Valleys Kids.
- Cysylltu â Chomisiynydd Cenedlaethau’r Dyfodol drwy eu Hacademi Arweinyddiaeth, a rhoi cyfleoedd i bobl ifanc ymwneud â’r fenter o adeiladu cenedl.
- Datblygu partneriaethau gyda Valleys Kids, Sparc, Rhwydwaith Celfyddydau Ieuenctid Cymru er mwyn rhannu gwybodaeth, sgiliau a phrofiadau.