Stwnsh grime-theatr gan Connor Allen

Ar gyfer The Making of a Monster, cafodd ein Stiwdio Weston ei drawsnewid yn ofod personol ac eclectig lle aeth Connor Allen, y Children’s Laureate Wales, â chynulleidfaoedd yn ôl i’w blentyndod fel person hil gymysg mewn perygl o golli rheolaeth a’r un eiliad a newidiodd ei fywyd.

Gyda cherddoriaeth fyw, tafluniadau, barddoniaeth a symudiadau, roedd y sioe yn rhannu stori bachgen o Gasnewydd â thad Du absennol, a oedd yn cuddio o’r heddlu gan weithio allan beth yw ystyr bod yn ddyn.

Wedi’i greu o ddiwylliant grime ac wedi’i ysbrydoli gan Dizzee Rascal, Wiley, Skepta a Kana, perfformiwyd y cynhyrchiad rhwng 9 – 19 Tachwedd 2022. Dysgwch fwy.

Dilynodd y stori wir anhygoel hon, mewn cynhyrchiad a grëwyd mewn cydweithrediad agos â Hamed a Hessam Amiri, y teulu Amiri wrth iddynt ffoi Affganistan i ddianc o'r Taliban, ac roedd eu taith hyd yn oed yn fwy hanfodol oherwydd bod cyflwr ar galon eu mab hynaf Hussein.

"Thrilling, timely and heartfelt."

THE STAGE

Yn dilyn tymor agoriadol yn 2021 pan werthwyd pob tocyn, mae The Boy with Two Hearts yn dychwelyd i Gaerdydd am wythnos ym mis Medi 2022 cyn trosglwyddo i'r National Theatre yn Llundain. Dysgwch fwy.

Ein gŵyl gelfyddydol ryngwladol flynyddol yw Llais sy’n arddangos pŵer y llais gan gyflwyno doniau anhygoel artistiaid o bedwar ban byd i'r gynulleidfa.

Ers i’r ŵyl ddechrau, mae wedi arddangos rhai o leisiau mwyaf adnabyddus y byd o’r sbectrwm cerddorol llawn, gan gynnwys: Patti Smith, Van Morrison, Femi Kuti, Laura Marling, Candi Staton, Elvis Costello, Hugh Masekela, Rufus Wainwright, Fatoumata Diawara, John Grant, Angélique Kidjo, Arab Strap, Hot Chip a mwy. Dysgwch fwy.

Comedi gerddorol yn Gymraeg oedd Anthem a berfformiwyd yn ein Stiwdio Weston rhwng 20 a 30 Gorffennaf 2022.

Cafodd Anthem, a oedd yn llawn hwyl, caneuon bachog a gliter, ei llwyfannu fel darllediad teledu byw gyda chyflwynydd a phedwar cystadleuydd a oedd yn perfformio mewn ‘ffeinal’ byw yng Nghanolfan Mileniwm Cymru.

Wedi'i hysgrifennu gan Llinos Mai a’i chyfansoddi gan Llinos Mai a Dan Lawrence, cafodd ei pherfformio a’i chapsiynu yn greadigol yn Gymraeg gydag uwchdeitlau yn Saesneg.

Cyd-gynhyrchiad rhwng Canolfan Mileniwm Cymru a Luke Hereford oedd Grandmother's Closet a berfformiwyd yn ein Stiwdio Weston rhwng 20 a 23 Ebrill 2022.

Roedd y ddrama hunangofiannol hon gan y gwneuthurwr theatr profiadol, Luke Hereford, a oedd yn ysgrifennu am y tro cyntaf, yn archwilio hunaniaethau cwiar, a sut ddysgodd Luke i garu ei hunaniaeth gyda chymorth ei fam-gu a'i chwpwrdd dillad lliwgar. Dysgwch fwy.

Yn dilyn rhediad ym mis Ebrill 2022 lle gwerthwyd pob tocyn, caiff sioe gerdd un-person Luke ei pherfformio rhwng 3 a 28 Awst 2022 yn adeilad Summerhall yn ystod Gŵyl Ymylon Caeredin.

Mewn cyd-gynhyrchiad gyda’r gwneuthurwr theatr arloesol Kaite O’Reilly, roedd y cynhyrchiad pwerus hwn yn adrodd stori deimladwy y menywod arwrol a oedd yn ysbïwyr yn ystod yr Ail Ryfel Byd. Dysgwch fwy.

Cafodd y cabaret un-fenyw yma, wedi’i gyd-gynhyrchu, ei ysgrifennu a’i berfformio gan yr awdur a’r perfformiwr dwyieithog Carys Eleri, adolygiadau ardderchog ac enillodd wobr am y Cabaret Gorau yng Ngŵyl Ymylon Adelaide. Yna cafodd ei berfformio yng Ngŵyl Ymylon Caeredin ac aeth ar daith o amgylch Cymru – yn Gymraeg ac yn Saesneg – gyda chanmoliaeth fawr. Dysgwch fwy.

Aeth y cyd-gynhyrchiad hwn gyda Wiltshire Creative, addasiad o waith Agatha Christie gan Rachel Wagstaff, ar daith a welwyd gan fwy na 28,000 o bobl, gan gynnwys pythefnos yn Theatr Newydd Caerdydd, lle curodd y record am nifer y tocynnau a werthwyd ar gyfer drama yn y lleoliad hwnnw.

Fe gynhyrchwyd a pherfformiwyd fersiwn o’r ddrama yn hwyrach ym Mumbai, India. Dysgwch fwy.