Shw'mae

Siarad Cymraeg? Visit the Welsh site.

Dewch i mewn
John Cale

LLAIS: Cyhoeddi'r actiau cyntaf

Wedi'i hysbrydoli gan yr offeryn sy'n cysylltu bob un ohonom – y llais – mae ein gŵyl gelfyddydol ryngwladol yn ôl gydag enw newydd a lein-yp amrywiol.

Bydd Llais (Gŵyl y Llais gynt) yn llenwi pob cornel o Ganolfan Mileniwm Cymru o 26 – 30 Hydref, gan ddechrau gyda seremoni'r Wobr Gerddoriaeth Gymreig.

Croesawwn John Cale yn ôl, a fu'n perfformio yn yr Ŵyl y Llais gyntaf yn 2016, sy'n dychwelyd ym mlwyddyn ein 80fed penblwydd ar gyfer perfformiad un tro arbennig gyda Sinfonia Cymru a gwesteion arbennig, ac i drafod ei fywyd a'i gyrfa.

Bydd Death Songbook gan Brett Anderson o Suede, Charles Hazlewood, a Paraorchestra, a ymddangosodd gyntaf yng Ngŵyl 2021 y llynedd, yn cael ei berfformio'n fyw o flaen cynulleidfa fyw am y tro cyntaf.

Hefyd yn camu i lwyfan eiconig Theatr Donald Gordon fydd y pianydd jazz o Dde Affrica Abdullah Ibrahim, y band roc o Loegr black midi a'r Cymraes Cate Le Bon.

A cheir digonedd yn digwydd ar draws yr adeilad, gan gynnwys profiadau digidol, trafodaethau, gweithdai a rhagor o gerddoriaeth fyw gan Midlake, Bombino, caroline, Tara Clerkin Trio, Keeley ForsythLes Amazones d'Afrique.

“Rydym wedi llunio lein-yp gwych ar gyfer Llais eleni; o’r hen stêjars i'r dalent newydd orau, o Gymru a ledled y byd, o feirdd i Paraorchestra.

Ac ar ben bob dim, rydym yn hynod falch o groesawu'r Wobr Gerddoriaeth Gymreig eiconig i'r ŵyl. Mae hynny'n teimlo fel y cyfuniad cerddorol perffaith.”

Graeme Farrow, Cyfarwyddwr Artistig

Mwy i'w gyhoeddi ym mis Medi - gan gynnwys gweithdai a digwyddiadau am ddim!

#LLAIS2022