Darganfod Ysgrifennu ar gyfer Theatr gyda Temi Wilkey
Amser dechrau a hyd:
11am – 4pm
Oed:
16 – 25 oed
Mae dy ddrama gyntaf yn dechrau yma.
Dwli ar greu cymeriadau, bydoedd a syniadau? Wedi eisiau clywed actorion yn perfformio geiriau rwyt ti wedi eu hysgrifennu?
Mae Darganfod Ysgrifennu ar gyfer Theatr gan Platfform yn rhaglen greadigol am ddim i bobl 16–25 oed sydd eisiau datblygu eu sgiliau adrodd straeon a chreu gwaith gwreiddiol ar gyfer y llwyfan, dan arweiniad y dramodydd arobryn Temi Wilkey.
P’un a wyt ti wedi bod yn ysgrifennu ers blynyddoedd, yn llenwi dy ap nodiadau gyda syniadau am straeon neu erioed wedi ysgrifennu ar gyfer theatr o’r blaen, dyma dy gyfle i ddysgu gan artistiaid proffesiynol, datblygu dy ysgrifennu dy hun a chysylltu â phobl greadigol eraill.
Beth fyddi di’n cael:
- Gweithdai gyda’r dramodydd arobryn Temi Wilkey, a chefnogaeth gan y dramodydd datblygol Tia-zakura Camilleri
- Sgiliau ymarferol i greu cymeriadau, deialog ac adrodd straeon ar gyfer y llwyfan
- Adborth a mentora un-i-un am dy ysgrifennu
- Cymorth i ddatblygu dy ddarn theatr gwreiddiol dy hun
- Cyfleoedd i gwrdd a chydweithio ag ysgrifenwyr a phobl greadigol eraill ifanc
- Y cyfle i glywed actorion yn perfformio dy waith mewn darlleniad
Ar gyfer pwy mae’r rhaglen?
Unrhyw un rhwng 16 a 25 oed sydd â diddordeb mewn adrodd straeon, theatr neu ysgrifennu creadigol.
Does dim angen profiad blaenorol mewn theatr nac ysgrifennu drama.
Pryd mae’n digwydd?
Penwythnos 1
Dydd Sadwrn 5 Rhagfyr, 11am – 4pm
Dod i adnabod y grŵp a darganfod sylfeini ysgrifennu ar gyfer theatr, gan gynnwys naratif, ffurf a datblygu cymeriadau.
Dydd Sul 6 Rhagfyr, 11am – 4pm
Pori ymhellach i adrodd straeon ar gyfer y llwyfan a darganfod beth sy’n gwneud drama un act cymhellol.
Penwythnos 2
Dydd Sadwrn 12 Rhagfyr, 11am – 4pm
Datblygu dy ddealltwriaeth o ddramâu un act a chael dy friff creadigol.
Dydd Sul 13 Rhagfyr, 11am – 4pm
Arbrofi gydag ymarferion ysgrifennu, datblygu dy syniadau a chael cymorth unigol i helpu i lunio dy brosiect.
Cyfnod Ysgrifennu
Rhwng mis Rhagfyr ac Ionawr, byddi di’n datblygu ac ysgrifennu golygfa o dy ddrama un act, gyda chyfleoedd i barhau i weithio yn Platfform ochr yn ochr â chyd-gyfranogwyr a chael cymorth gan Tia.
Sesiynau Unigol Ar-lein
Ym mis Ionawr, byddi di’n gweithio’n unigol ar dy ddarn gyda Temi i gael adborth ac arweiniad ar dy waith cyn gwneud newidiadau terfynol.
Darlleniad
Dydd Sadwrn 30 Ionawr
Profi cyffro clywed actorion yn dod â dy ysgrifennu yn fyw mewn darlleniad o flaen ffrindiau a theulu.
Sut ydw i’n cofrestru?
Caiff llefydd eu rhoi ar sail y cyntaf i’r felin. Cofrestra drwy ein tudalen Eventbrite yma
Hygyrchedd
Rydyn ni’n ymrwymo i gefnogi pobl ifanc B/byddar, anabl a niwroamrywiol, rhai sydd â chyflyrau meddygol, gofynion hygyrchedd neu unrhyw brofiad bywyd a all fod angen addasiadau, cymorth neu sensitifrwydd.
Os hoffet ti drafod sut y gallwn ni dy gefnogi di neu os oes gennyt unrhyw gwestiynau, e-bostia platfform@wmc.org.uk
Ein Cyrsiau Platfform
Rhaglen hyfforddi unigryw yw Platfform sy’n cynnig cyfle i bobl ifanc archwilio eu diddordebau, mynegi eu hunain, meithrin hyder creadigol a rhannu eu stori drwy ddysgu ymarferol.