Matthew Bourne's Cinderella
Amser dechrau a hyd:
Maw – Sad 7.30pm
Iau + Sad 2.30pm
Tua 2 awr a 30 munud (yn cynnwys dau egwyl)
Oed:
8+ (dim plant dan 2 oed)
Rhaid i bob plentyn dan 16 oed eistedd gydag oedolyn 18 oed neu’n hŷn.
Rhybuddion:
Mae'r cynhyrchiad yma wedi'i osod yn Llundain yn ystod Blits 1940. Mae'n cynnwys portreadau o gyrchoedd bomio, dinistrio adeiladau, seirenau a ffrwydradau drwy ddefnyddio mwg/tawch theatraidd, goleuadau strôb a synau uchel.
Llundain 1940. Y Blacowt. Mae seiren yn canu…
Mae New Adventures yn dychwelyd i Ganolfan Mileniwm Cymru gyda dathliad 30 mlwyddiant un o’u cynyrchiadau mwyaf poblogaidd, Matthew Bourne’s Cinderella – stori gariad gyffrous ac atgofus, wedi’i gosod yn Llundain yn ystod yr Ail Ryfel Byd.
Wrth wraidd dehongliad epig Matthew Bourne o’r stori dylwyth teg glasurol mae rhamant adeg rhyfel. Mae cyfarfod ar hap yn arwain at noson hudol i Cinderella a’i pheilot ifanc anturlon, gyda’i gilydd am ddigon o amser i syrthio mewn cariad cyn cael eu gwahanu gan arswyd y Blitz.
Gyda dyluniadau gogoneddus Lez Brotherston sydd wedi ennill Gwobr Olivier, goleuo gan Neil Austin sydd wedi ennill Gwobr Olivier a dyluniadau fideo a thafluniadau gan Duncan McLean, mae Cinderella yn cynnwys dylunio sain syfrdanol gan Paul Groothuis a fydd yn mynd â’r gynulleidfa i galon sgôr gwych Prokofiev, a golygfeydd a synau Llundain adeg rhyfel.
Mae Cinderella yn deyrnged i ac yn dystiolaeth o ysbryd Llundain yn ystod adeg pan roedd pob eiliad yn cyfrif a newidiodd bywydau am byth. Mae techneg ddisglair Bourne o adrodd straeon erioed wedi bod mor emosiynol, gan greu portread unigryw a bythgofiadwy o stori debyg ond diamser.
Perfformiadau Hygyrch
Perfformiad sain ddisgrifiad gyda Thaith Gyffwrdd: 20 Mawrth, 2.30pm (gyda Thaith Gyffwrdd, 1pm)
AELODAU
Gostyngiad o £10 ar y noson agoriadol (2 bris uchaf), argaeledd cyfyngedig.
Dod yn aelod.
GRWPIAU
Grwpiau o 10+ gostyngiad o £5 o leiaf ar seddi penodol, Maw – Iau.
Dyddiad talu grwpiau: 25 Tachwedd 2025
YSGOLION
£12 — 1 sedd athro am ddim i bob 10 disgybl (ffoniwch 029 2063 6464 neu cofrestru fel archebwr ysgol)
Ar gael Maw – Iau ar seddi penodol, argaeledd cyfyngedig
16-30
Gostyngiad o £8 ar seddi penodol, Maw – Iau
Mae pob cynnig yn amodol ar seddi penodol, dyraniadau ac argaeledd.
Archebwch yn gynnar i sicrhau’r dewis gorau o seddi. Rydyn ni’n monitro ac yn addasu prisiau tocynnau yn rheolaidd i optimeiddio incwm a sicrhau ystod eang o brisiau lle y bo’n bosibl. Gall prisiau newid. Darllenwch fwy.