Skip to main content

Mae’n anodd dewis ble i ddechrau mewn dinas mor brysur, ond peidiwch â phoeni, rydyn ni wedi gwneud y gwaith caled i chi.  

National Museum Wales, Cardiff

Mae’r amgueddfa hudolus yma’n cynnwys ystod o eang o gelf, hanes naturiol, archeoleg a daeareg.

Ochr yn ochr ag un o gasgliadau celf gorau Ewrop, gallwch ddysgu am hanes, bywyd gwyllt a daeareg Cymru, cerdded gyda deinosoriaid maint go iawn a dysgu sut y crëwyd ein planed.

Wedi’i lleoli yng nghanolfan ddinesig hyfryd y ddinas, mae’r amgueddfa hefyd yn gartref i arddangosfeydd mawr dros dro ac yn cynnig rhaglen wych o ddigwyddiadau a gweithgareddau.


Cardiff Castle

Er ei fod wedi’i leoli yng nghanol y ddinas, mae’r castell yma yn teimlo fel byd ar wahân – llonyddwch llwyr tu fewn i’r muriau hynafol.

Dysgwch am ei wreiddiau Rhufeinig, y trawsnewidiad Gothig anhygoel yn y 19eg ganrif a'i ran yn yr Ail Ryfel Byd. Dringwch i fyny Dŵr y Cloc a diflannwch i’r twneli, neu arhoswch iddi noswylio er mwyn mwynhau gwledd Gymreig.

3. Amgueddfa Caerdydd 

Yn adeilad hyfryd yr Hen Lyfrgell, mae’r amgueddfa yma yn datgelu hanes Caerdydd a'i thrawsnewidiad o dref farchnad fach yn y 1300au i un o borthladdoedd mwyaf y byd yn y 1900au, ac ymlaen i’r brifddinas heddiw.

Mae’r orielau rhyngweithiol yn defnyddio straeon y bobl oedd yn byw ac yn gweithio yn y ddinas dros y canrifoedd i ddod â’r hanes yn fyw.

A woman walking through one of Cardiff's Victorian arcades.

Mae arcedau Fictoraidd Caerdydd wedi’u cadw’n hyfryd ac yn cynnig profiad siopa gwahanol i’r arfer o dan doeon gwydr bendigedig.

Porwch drwy siopau hen ddillad, crefft a chaffis yn Ardal y Castell, neu siopau gemwaith a llefydd bwyta annibynnol yn yr Arcedau Brenhinol, Wyndham a Morgan.

5. Techniquest

Cadwch ddwylo bach yn brysur gyda’r arddangosfeydd yn y ganolfan gwyddoniaeth hynaf yn y DU ym Mae Caerdydd.

Mwynhewch sioe Theatr Wyddonol neu ewch ar daith drwy’r gofod gyda thaith sêr syfrdanol y Planetariwm.

6. Dŵr Gwyn Rhyngwladol Caerdydd

A man kayaking on a white water rapids course

Mae’r ganolfan yma yn cynnig amrywiaeth gynhwysfawr o weithgareddau dŵr... am roi cynnig ar rafftio, canŵio, corff-fyrddio neu badlfyrddio? Dyma’r lle i chi. Mae hefyd weithgareddau ychwanegol oddi ar y safle fel cerdded ceunentydd a llogi beiciau. Diwrnod egnïol tu hwnt!

7. Penarth

Mwynhewch yr awyr iach wrth gerdded o Fae Caerdydd i dref lan y môr hyfryd Penarth.

Unwaith i chi gyrraedd, dewiswch damaid o fwyd ym Mhafiliwn y Pier, sy’n cynnwys oriel, sinema, caffi a bwyty.

8. Taith Taf

People walking along the Taff Trail

Teithiwch ar droed neu ar feic o Gaerdydd i Bontypridd ar y llwybr yma drwy barciau trefol gwyrddion a nefoedd gwledig.

Gan ddilyn yr Afon Taf, byddwch chi’n gweld coredau, bywyd gwyllt, mynyddoedd a Chastell Coch.

Ewch â phicnic i’w fwynhau ar y ffordd ond cofiwch gadw lle ar gyfer te a phice ar y maen yn nhref ddiwydiannol Pontypridd.

9. Bae Caerdydd

The Pierhead Building, Wales Millennium Centre and Cardiff Bay.

Treuliwch ddiwrnod amrywiol yn archwilio safleoedd treftadol Bae Caerdydd. Dechreuwch gyda mordaith ar yr Aqua Bus, gan fwynhau golygfeydd o Gei’r Fôr-forwyn, gwarchodfa natur y gwlypdir a’r morglawdd.

Yna galwch heibio yn y Senedd, cartref Llywodraeth Cymru ac un o'r adeiladau seneddol mwyaf ecogyfeillgar yn y byd, cyn ymweld â Chanolfan Gelfyddydau’r Eglwys Norwyaidd, lle gallwch chi ymlacio dros ginio blasus.

10. Eglwys Gadeiriol Llandaf a’r Pentref 

O fewn tafliad carreg i’r ddinas, mae’r eglwys gadeiriol yn sefyll yn hen ddinas Llandaf. Mae hanes brith gan yr adeilad; dioddefodd frwydrau a thywydd garw o'r 1400au hyd at yr Ail Ryfel Byd. Bydd tywyswyr gwybodus wrth law i’ch helpu i adnabod yr hen a’r newydd a rhoi cyfle i chi fyfyrio yn yr heddwch y tu mewn.

Yn y pentref hyfryd, mae digonedd o gaffis a thafarndai annibynnol neu gallwch brynu picnic a chrwydro gerddi hen Balas yr Esgob.

Eich ymweliad