An Evening With Marilyn Monroe
Amser dechrau a hyd:
8pm, drysau 7pm
Oed:
18+
O swyno’r West End yn Theatr fawreddog Adelphi a Crazy Coqs i ennill llwyddiant yng Ngŵyl Cyrion Caeredin, mae Isabella wedi dod yn ffenomen, gan dderbyn nifer o adolygiadau 5 seren am ei pherfformiadau eithriadol fel Monroe.
Mae hi’n dod â chymeriad Marilyn yn fyw mewn ffordd sy’n rhagori ar bob disgwyliad, gan greu profiad bythgofiadwy i selogion y theatr.
Dyma deyrnged gomedi ymdrochol a fydd yn gwneud i chi chwerthin yn uchel, i un o sêr mwyaf eiconig Hollywood! Ymunwch â ni am daith dwymgalon drwy fywyd Duwies anfarwol America. Profwch sut beth yw bod yn un o sêr bach mwyaf secsi Hollywood, gan ddatrys dirgelion ei bywyd a’i hymgais i chwilio am gariad.
Gan gadw at bersona amlochrog Marilyn fel actores, cantores a digrifwraig, mae Isabella yn swyno cynulleidfaoedd gyda’i chanu, ei straeon a’i hiwmor doniol. Gyda thebygrwydd rhyfeddol a phersonoliaeth sy’n adleisio’r flonden fawreddog ei hun, mae Isabella yn cyflwyno un o’r profiadau Marilyn mwyaf dilys y gellir eu dychmygu.
Gyda band byw pedwar aelod yn ei chefnogi, paratowch ar gyfer setiau hudolus yn llawn caneuon ysblennydd Marilyn a newidiadau gwisgoedd disglair, gan gynnwys clasuron oesol fel “Diamonds Are a Girl’s Best Friend” ac “I Wanna Be Loved by You”. Dewch i brofi noson hudolus sy’n atgoffa rhywun o oes aur y byd adloniant.
Rhwng caneuon, bydd Marilyn yn rhannu straeon doniol ac uchafbwyntiau ac isafbwyntiau ei bywyd fel prif symbol rhyw Tinseltown. Byddwch yn barod i fwynhau sgetsys comedi rhyngweithiol ar daith i ddod o hyd i ŵr posib, gan wahodd cyfranogiad gan y gynulleidfa a digon o chwerthin.
Mae portread unigryw Isabella o Marilyn yn hollol ddiffuant a dilys. Nid dim ond chwarae cymeriad Marilyn mae hi, mae hi wir yn ymgorffori ei phersonoliaeth gyda dilysrwydd sy’n diffinio ei pherfformiad.
Mae’r sioe’n cynnig popeth y gallech ei ddymuno o noson agos-atoch gyda’r seren. Cyd-ganwch i’r clasuron, rhannwch ddiod, ac ymgollwch ym mhrofiad digyffelyb byd Marilyn Monroe.
IECHYD DA!
Mae'r drysau yn agor awr cyn i'r perfformiad ddechrau, er mwyn i chi ddod o hyd i fwrdd, cwrdd â'ch ffrindiau a chael diod o'n bar Cabaret.
Gallwch chi hefyd archebu drwy ein ap drwy gydol y sioe a byddwn yn dod â'ch diodydd yn syth i'ch bwrdd. Hyfryd!
Nid yw’r seddi wedi’u cadw.
Cynghorwn fod grwpiau mawr yn cyrraedd yn gynnar fel y gallwch ddod o hyd i seddi gyda’ch gilydd.
Os bydd y sioe wedi gwerthu allan, mae’n bosibl y bydd rhaid i chi rannu bwrdd.
POBL ANABL, DAN 30 OED, MYFYRWYR + DIGYFLOGEDIG
Gostyngiad o £3
GRWPIAU
Gostyngiad o £3 i grwpiau 10+
Wrth archebu ar-lein, caiff y gostyngiad i grwpiau ei ychwanegu yn awtomatig pan fyddwch chi'n talu.
CYNLLUN HYNT
Ar gael ar gyfer y cynhyrchiad hwn. Darganfod mwy.
Mae pob cynnig yn amodol ar ddosraniadau ac argaeledd.
RHEOLAU TŶ CABARET
Darllenwch reolau'r tŷ sy'n helpu i wneud yn siŵr bod pawb yn cael amser gwych yn Cabaret
Cabaret
Cartref Caerdydd ar gyfer yr annisgwyl.