Mawredd Mawr, Caerdydd – mae’r DeLorean yn dod!

Gwisgwch eich gwregys ar gyfer Back to the Future The Musical, sy’n glanio yng Nghanolfan Mileniwm Cymru fel rhan o’i daith gyntaf erioed o wledydd Prydain. Mae’r dihangdod cerddorol perffaith yma, a enillodd wobr Y Sioe Gerdd Newydd Orau yng Ngwobrau Olivier, WhatsOnStage a Broadway World, yn barod i fynd â chi ar daith wefreiddiol drwy amser.

Yn seiliedig ar y ffilm eiconig o 1985 ac wedi’i addasu i’r llwyfan gan Bob Gale a Robert Zemeckis, creawdwyr gwreiddiol y ffilm, mae’r cynhyrchiad arobryn yma yn syfrdanu adolygwyr ac yn cynhyrfu cynulleidfaoedd ledled y byd – a nawr tro Caerdydd yw hi i brofi’r reid oes.

Pan mae’r arddegwr Marty McFly yn cael ei anfon ‘nôl i 1955 ar ddamwain mewn peiriant amser wedi’i adeiladu gan yr ecsentrig Doc Brown, mae’n tarfu ar y continwwm gofod-amser a rhaid iddo rasio yn erbyn y cloc i unioni pethau – a mynd ‘nôl i’r dyfodol.

Peidiwch â cholli’r comedi foltedd uchel a’r llwyddiant twymgalon yma wedi’i gyfarwyddo gan yr enillydd gwobr Tony, John Rando, ac sy’n cynnwys DeLorean anhygoel sy’n herio cyfreithiau theatr.

Mae Back to the Future The Musical yn cynnwys cerddoriaeth wreiddiol gan yr enillwyr gwobrau Grammy, Alan Silvestri (Avengers: Endgame) a Glen Ballard (Man in the Mirror Michael Jackson), ochr yn ochr â chaneuon llwyddiannus o’r ffilm fel The Power of Love, Johnny B. Goode, Earth Angel a Back in Time.

Pan fydd hwn yn cyrraedd 88mya yng Nghanolfan Mileniwm Cymru, bydd yn taro’r gynulleidfa rhwng y llygaid a’r clustiau i sain rhu o bleser.

Mynnwch eich tocynnau ddoe.