Skip to main content

The Full Monty

2 – 6 Chwefror 2027
Theatr Donald Gordon
The Full Monty
2 – 6 Chwefror 2027, Theatr Donald Gordon

Amser dechrau a hyd:

Maw – Sad 7.30pm

Iau + Sad 2.30pm

Tua 2 awr a 20 munud (yn cynnwys un egwyl)

Oed:

12+ (dim plant dan 2 oed)

Rhaid i bob plentyn dan 16 oed eistedd gydag oedolyn 18 oed neu’n hŷn.

Rhybuddion:

Goleuadau sy'n fflachio/strôb, iaith gref a noethni.

The Full Monty

Weithiau mae rhaid i chi ddatgelu popeth!

Yn dathlu 30 mlwyddiant y ffilm eiconig a enillodd galon byd sinema Prydain, mae The Everyman Theatre, Cheltenham a Buxton Opera House mewn cydweithrediad â Mark Goucher a David Pugh yn cyflwyno The Full Monty, yn fyw ar y llwyfan. Yn ôl yn dilyn galw mawr, mae’r bechgyn yn dychwelyd gyda thaith genedlaethol!

Does dim arwyr yn nrama dwymgalon Simon Beaufoy, dim ond grŵp o fechgyn yn ceisio adennill eu hurddas a’u balchder. Mae’r ddrama gyflym a doniol yma yn dal yn berthnasol iawn heddiw, wrth i ni wynebu argyfwng costau byw eto. Mae Gaz a’i ffrindiau yn anlwcus ac yn teimlo eu bod wedi cael eu taflu ar y domen, ond maen nhw’n benderfynol i ymladd yn ôl a datgelu ychydig yn fwy na fydden nhw erioed wedi meddwl y byddai rhaid iddyn nhw.

Fel yn y ffilm lwyddiannus o 1997, mae’r cynhyrchiad yma yn llawn chwerthin a thorri calon. Archebwch nawr i ail-fyw cerddoriaeth y 90au a mwynhau noson allan yng nghwmni ein grŵp o fechgyn wrth iddyn nhw weithio i gyflwyno sioe orau eu bywydau.

Gyda Kevin Clifton (Strictly Come Dancing, Taith Priscilla Queen of the Desert yn y DU ac Iwerddon 2026) fel Gaz, Stewart Wright (Doc Martin, The Upstart Crow–Apollo Theatre) fel Dave, James Gaddas (Coronation Street, Taith The Rocky Horror Picture Show yn y DU) fel Gerald, Ben Onwukwe (Taith The Full Monty yn y DU 2024, Taith The Shawshank Redemption yn y DU) fel Horse, Jon-Paul Bell (Hollyoaks, Masters of Air) fel Guy a Zrey Sholapurkar (Lark Rise to Candleford–The Watermill Theatre, Taith The History Boys yn y DU) fel Lomper.

The classic British strip-com

Rolling Stone

A story of our times

British Theatre

Bursting with wit and deeply touching

The Telegraph

AELODAU

Gostyngiad o £10 ar y noson agoriadol (2 bris uchaf), argaeledd cyfyngedig.
Dod yn aelod.

GRWPIAU

Grwpiau o 10+ gostyngiad o £5 o leiaf ar seddi penodol, Maw – Iau.

Dyddiad talu grwpiau: 25 Tachwedd 2025

Trefnu ymweliad grŵp.

16-30

Gostyngiad o £8 ar seddi penodol, Maw – Iau


Mae pob cynnig yn amodol ar seddi penodol, dyraniadau ac argaeledd.

Archebwch yn gynnar i sicrhau’r dewis gorau o seddi. Rydyn ni’n monitro ac yn addasu prisiau tocynnau yn rheolaidd i optimeiddio incwm a sicrhau ystod eang o brisiau lle y bo’n bosibl. Gall prisiau newid. Darllenwch fwy.

Singer on stage with arms raised as cheering crowd claps in dimly lit theatre, coloured spotlights overhead.
Wedi'i gyflwyno yn

Theatr Donald Gordon

Ein prif ofod, Theatr Donald Gordon, yw’r llwyfan mwyaf ond un yn Ewrop, ac mae ymhlith theatrau gorau’r byd.