Skip to main content

Opera Cenedlaethol Cymru: Jason and the Argonauts

13 Mawrth 2027
Stiwdio Weston
Opera Cenedlaethol Cymru: Jason and the Argonauts
13 Mawrth 2027, Stiwdio Weston

Amser dechrau a hyd:

11.30am + 3pm

Tua 45 munud, dim egwyl

Oed:

Caiff ei argymell ar gyfer plant 7-12 oed.

Rhaid i blant o dan 16 oed fod yng nghwmni deiliaid tocyn sydd o leiaf 18 oed.

Opera Cenedlaethol Cymru: Jason and the Argonauts

Paratowch i ddechrau ar antur yn llawn hud a cherddoriaeth gyda Jason a’i fand diofn o Argonauts, yn y fersiwn wefreiddiol hon sy’n ail-ddweud un o’r clasuron Groegaidd.

Mae Jason wedi ei fagu yng nghanol byd natur a cherddoriaeth mewn coedwig hudolus, ac mae’n dyheu i fod yn arwr. Pan ddaw i ddeall bod ei Ewythr Pelias wedi dwyn ei le fel Brenin, mae’n rhuthro i adennill yr orsedd. Ond mae gan y Brenin Pelias un amod: Mae’n rhaid i Jason ddod â’r Cnu Aur iddo.

Mae ei dîm o Argonauts yn ymuno ag ef ac maent yn hwylio i Colchis, sef cartref y cnu cyfriniol ond mae dreigiau peryglus a seirenau dirgel yn dod i’w rhan. Gyda’i gilydd, mae’n rhaid iddynt fod yn ddewr a chlyfar a dysgu am wir rym cerddoriaeth. Pan ddaw her enfawr i’w ran, a fydd Jason yn gwneud y dewis cywir? 

Mae’r cynhyrchiad anturus hwn yn gyflwyniad hyfryd i’r byd opera i blant, gan ddod â synau’r gerddorfa a phŵer y llais dynol yn fyw. Mae’n llawn antur, hud, a cherddoriaeth, ac yn brofiad bythgofiadwy i gynulleidfaoedd ifanc. 

Cyfansoddwr Gregory Spears

Libreto gan Kathryn Walat 

Cynnig teulu

Teulu o bedwar: £45 (uchafswm o ddau oedolyn)
Teulu o bump: £50 (uchafswm o ddau oedolyn)


O dan 16 

Rhaid i bob plentyn dan 16 oed eistedd gydag oedolyn 18 oed neu’n hŷn.


Mae pob cynnig yn amodol ar seddi penodol, dyraniadau ac argaeledd.

Archebwch yn gynnar i sicrhau’r dewis gorau o seddi. Rydyn ni’n monitro ac yn addasu prisiau tocynnau yn rheolaidd i optimeiddio incwm a sicrhau ystod eang o brisiau lle y bo’n bosibl. Gall prisiau newid. Darllenwch fwy.

Singer on stage with arms raised as cheering crowd claps in dimly lit theatre, coloured spotlights overhead.
Wedi'i gyflwyno yn

Theatr Donald Gordon

Ein prif ofod, Theatr Donald Gordon, yw’r llwyfan mwyaf ond un yn Ewrop, ac mae ymhlith theatrau gorau’r byd.