Cyfres ffilm VR wedi’i hanimeiddio mewn tair rhan lle byddwch chi’n plymio i mewn i fyd pync dau berson ifanc yn eu harddegau ar ffo sy’n byw yn Efrog Newydd ar ddiwedd yr 1970au.
Dewch i gwrdd â Lupe, merch Puerto Ricaidd-Americanaidd 16 oed, wedi’i lleisio gan Rosario Dawson, a Debbie, rebel sydd â chefndir dirgel. Mae angen cartref ar Lupe, mae Debbie eisiau rhywun sy’n ei deall, a gyda’n gilydd maen nhw’n ffurfio band pync ac yn mwynhau’r ddinas.
Mae’r ddrama yma am dyfu i fyny yn creu naws egni pync-roc Efrog Newydd – cyflym a chaled ac yn llawn ideoleg gwrth-awdurdodaidd, negeseuon gwleidyddol a gwrthryfel gan yr ifanc.
I ddathlu 5 mlynedd ers ei ryddhau, caiff Battlescar ei gyflwyno fel profiad gosodwaith gwreiddiol, gan ail-greu ymddangosiad a theimlad bar pync yn ne-ddwyrain Manhattan.
Yn dilyn y profiad VR, byddwch chi hefyd yn gallu ymweld â Wasteland of my Fathers – arddangosfa yn archwilio’r byd pync yng Nghymru, wedi’i churadu gan David Taylor/Hanes Miwsig Caerdydd.
Plymiwch i mewn. Neu peidiwch. Does dim ots gyda ni.
Amser agor:
Maw – Sad 12pm – 9pm (slot olaf am 8pm)
Sul + Llun 12pm – 6pm (slot olaf am 5pm)
Hyd y profiad: Mae'r profiad VR yn para 30 munud. Caniatewch awr i gynnwys amser sefydlu ac i archwilio'r arddangosfa wedyn.
Capasiti: 8
Oed: 13+. Rhaid i bawb o dan 16 oed fod yng nghwmni oedolyn.
Rhybuddion: Iaith gref; defnydd o alcohol a gyffuriau
BETH YW PROFIAD REALITI RHITHWIR?
Realiti rhithwir (VR) yw’r defnydd o dechnoleg gyfrifiadurol i greu byd efelychiadol. Mae gwesteion yn gwisgo penwisg gyda chlustffonau integredig dros eu clustiau.
OES ANGEN ARCHEBU LLE?
Oes – mae angen talu am y profiad ac mae nifer y lleoedd yn gyfyngedig.
OES ANGEN I MI DDOD AG UNRHYW BETH?
Gellir gwisgo sbectol o dan y benwisg VR ond efallai bydd yn fwy cyfforddus i chi wisgo lensys cyffwrdd neu beidio â gwisgo’ch sbectol yn ystod y profiad.
BETH YW’R MESURAU IECHYD A DIOGELWCH?
Dyw’r rhan fwyaf o bobl ddim yn profi unrhyw ymatebion negyddol i realiti rhithwir (VR). Fodd bynnag, gall VR fod yn ddryslyd ar gyfer unigolion sy’n niwroamrywiol, sydd â nam ar y clyw neu'r golwg, neu sy’n profi’r bendro, epilepsi, penysgafnder, ffitiau, salwch teithio neu byliau llewygu.
Os ydych chi’n feichiog neu os oes gennych reoliadur y galon, siaradwch â’ch meddyg teulu cyn cymryd rhan.
Bydd hwyluswyr wedi’u hyfforddi wrth law i roi cymorth ac arweiniad yn ystod y profiad os bydd angen.
Rydyn ni'n glanhau a diheintio’r holl offer, gan gynnwys penwisgoedd a chlustffonau, yn drylwyr â weipiau gwrthfacteria o safon ysbyty a pheiriant UV cyn pob defnydd. Gofynnir i chi ddefnyddio’r diheintydd dwylo a ddarperir wrth gyrraedd.
Rhaid i bobl o dan 16 oed fod yng nghwmni oedolyn. Ni argymhellir VR i bobl o dan 13 oed.
Ni chaniateir babis mewn gwregys yn y profiad.
Ni chaniateir i unrhyw un sydd o dan ddylanwad alcohol neu gyffuriau gymryd rhan yn y profiad.
CLODRESTR
CREWYD GAN
Martín Allais a Nico Casavecchia
YSGRIFENNWYD GAN
Nico Casavecchia a Mercedes Arturo
CYNHYRCHWYD GAN
Atlas V, Albyon, 1STAveMachine
CYD-GYNHYRCHU
Arte France, Oculus, Atlas V, RYOT
CYFLWYNIR GAN
Astrea