Yr haf a’r hydref yma, gwahoddir cynulleidfaoedd i ymgolli mewn cyfres o weithiau celf myfyriol, 360 gradd, realiti rhithwir ac aml-sgrin rhyfeddol gan ddwy stiwdio enwog o wledydd Prydain. Bydd y gosodweithiau graddfa fawr hyn yn archwilio ac yn herio sut rydyn ni’n gweld y byd, gan ein hysgogi i wynebu grym aruthrol byd natur. 

Mae EVOLVER, gan Marshmallow Laser Feast, yn gosod y gynulleidfa wrth wraidd y profiad, gan fynd â chi ar daith drwy ecosystem y corff dynol, dan arweiniad yr actor clodwiw Cate Blanchett. Mae Framerate: Pulse of Earth gan ScanLab, sy’n waith sinema estynedig, yn cynnig cipolwg ar ein byd sy’n newid yn gyflym gan ddefnyddio sawl sgrin a thrac sain gwreiddiol a hypnotig i’n helpu ni i brosesu effeithiau tirwedd sy’n newid.