Ydych chi'n barod am storm?
Wrth i'r Hydref gydio a'r tywydd droi, mae storm operatig yn codi yn y gwynt tu fas i'r Ganolfan.
Rydyn ni ar fin datgelu tymor anhygoel newydd o opera WNO.
Mae mis medi yn y Theatr Donald Gordon yn addo drama, wrth i stori anhygoel Tolstoy, War and Peace, hawlio'r llwyfan, gyda digon o ddawnsfeydd godidog a melodïau pwerus.
War and Peace
15 Medi – 24 Tachwedd
Mae cynhyrchiad newydd David Poutney yn addo bod mor uchelgeisiol ac epig â'r nofel, gyda chast mawreddog, set arallfydol, tafluniadau fideo anhygoel a gwisgoedd rhyfeddol gan Marie-Jeanne Lecca sy'n adlewyrchu godidowgrwydd cymdeithas Rwsieg y 19fed ganrif.
Iaith: cenir yn Saesneg gydag uwch-deitlau Saesneg a Chymraeg.
Mae'r tymor hefyd yn adfywio La traviata a La Cenerentola, addasiad hyfryd Rossini o stori Sindarela Charles Perrault, sy'n addo'ch cludo i fyd lliwgar y tylwyth teg gyda wigiau anghredadwy (diolch i'r ddwy chwaer hyll) a sgôr gerddorol disglair gan Tomáš Hanus.
Bydd Angelina'n mynd i'r ddawns fawreddog? Archebwch nawr i gael gwybod.
Iaith: cenir yn Eidaleg gydag uwch-deitlau Saesneg a Chymraeg.
La traviata
21 Medi – 23 Tachwedd
![Cynhyrchiad 2012 WNO La traviata. Llun gan Roger Donovan.](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2018/WNO%202018/WNO_La_traviata_dancers_Photo_credit_Roger_Donovan_027.jpg)
Mae La Traviata yn un o'r operâu mwyaf poblogaidd yn y byd - clasur o stori am dor-calon a chyfrifoldeb gyda gwisgoedd godidog a sgôr gerddorol atgofus, gan gynnwys Brindisi (y gân yfed).
Os weloch chi'r rhaglen deledu BBC Canwr y Byd Caerdydd yna efallai y gwnewch chi adnabod rhai aelodau o'r cast gan fod Anush Hovhannisyan a Kang Wang wedi cystadlu yn 2017.
![Soprano Armenaidd, Anush Hovhannisyan sy'n chwarae Violetta](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2018/WNO%202018/Screen_Shot_on_Sep_5th_at_10_36_AM.png)
![](https://res.cloudinary.com/wales-millennium-centre/image/upload/c_fill,f_auto,g_auto,h_300,q_auto:eco,w_500/v1/WMC%20Content/Whats%20On/2018/WNO%202018/Screen_Shot_on_Sep_5th_at_10_37_AM.png)
Iaith: Cenir yn Eidaleg gydag uwch-deitlau Saesneg a Chymraeg.