Ydych chi’n artist sydd am wybod mwy am beth sy’n digwydd yng Nghanolfan Mileniwm Cymru, neu sy’n chwilio am gyngor am y camau nesaf yn eich gyrfa? Swyddfa Agored yw eich cyfle i sgwrsio â ni!
Unwaith y mis bydd un o’n tîm cynhyrchu yn cwrdd ag artistiaid a chreawdwyr. Eleni, am y tro cyntaf, rydyn ni hefyd am sgwrsio â thechnegwyr theatr datblygol, neu bobl sydd â diddordeb mewn gyrfa ym maes cynhyrchu. Felly, os ydych chi’n awyddus i wybod am ein gwaith, neu os oes gennych chi syniad cyffrous i’w ddatblygu, rydyn ni yma i helpu.
Mae slotiau ar gael yn Gymraeg neu Saesneg a gallwch chi alw heibio am goffi, neu gwrdd â ni ar Zoom, p’un bynnag sydd well gennych.
Unwaith y byddwch chi wedi trefnu eich slot, anfonwch neges fer i artists@wmc.org.uk gan nodi pwy ydych chi, beth yr hoffech chi ei drafod, p’un a fyddai’n well gennych sgwrsio yn Gymraeg neu'n Saesneg, p’un a hoffech chi gwrdd wyneb yn wyneb neu ar-lein ac unrhyw anghenion hygyrchedd.
Ychwanegwch eich enw a’r dyddiad a’r amser rydych chi wedi’u trefnu yn llinell bwnc eich e-bost.
