Yr haf yma, nid dim ond rhywbeth i oedolion yw cabaret! Wrth i ni ddychwelyd gyda'n tymor cabaret cryfaf eto, bydd digonedd o hwyl i blant hefyd.

Yn rhoi cychwyn ar bethau ar 18 Gorffennaf, bydd The Misadventures of David and Sam. Roedd y gomedi afreolus yma ar gyfer plant mawr ac oedolion bach tair oed neu hŷn yn llwyddiant enfawr yng ngŵyl Vault y llynedd, a bydd y teulu cyfan yn siŵr o fod yn eu dyblau.

Ar 25 Gorffennaf, ymunwch â ni ar gyfer Y Gig Gigls! - sioe stand-yp Gymraeg newydd wedi'i hanelu at blant 4 - 8 oed (ond mae croeso i bob oedran). Gyda rhai o ddigrifwyr doniolaf a gwirionaf Cymru, mae hon yn sioe ar gyfer pob plentyn sy'n hoffi tipyn o hwyl. Mae croeso i rieni hefyd, os gwnawn nhw fihafio!

Os ydych chi'n hoffi straeon tylwyth teg bywiog gyda digon o ganu, mae The Amazing Adventures of Little Red ar 8 Awst yn cynnwys mam-gu ryfelgar a cherddoriaeth fydd yn gwneud i bawb rocio! Y canllaw oedran yw 3+.

Os yw'ch plentyn o dan ddwy oed, mae ganddon ni rywbeth ar eich cyfer chithau hefyd! Sioe gomedi oedolion fydd i’w gweld ar 12 Awst yw Comedy Pram Jam y gallwch chi ddod â'ch babi hyd at 18 mis oed iddi hefyd. Rydyn ni wedi troi'r goleuadau a'r sain i lawr, ond nid y rhegi na'r cynnwys. Dyma gyfle i rieni newydd blinedig wneud rhywbeth maen nhw'n ei fwynhau, mewn amgylchedd lle fydd neb yn meindio os byddwch chi'n bwydo, yn ysgwyd tegan rhuglo neu'n gwneud beth bynnag sydd ei angen i sicrhau bod y babi’n hapus.