Mae hoff sioe gerdd y byd yn dychwelyd i Ganolfan Mileniwm Cymru yn dilyn galw mawr! Wedi'i gyfarwyddo gan Gyfarwyddwr Artistig Curve, Nikolai Foster, a gyda chast yn cynnwys yr artist gwadd arbennig iawn Peter Andre* fel Teen Angel a Vince Fontaine – dyma gyfle i chi ail-gynnau eich angerdd a pharatoi am ffrwydriad o gariad hafaidd.

Ar ôl corwynt o garwriaeth, mae'r carwr lledr Danny a'r ferch drws nesaf Sandy yn cael aduniad annisgwyl pan gaiff Sandy ei throsglwyddo i Rydell High ar gyfer ei blwyddyn olaf yn yr ysgol. Ond ydyn nhw'n gallu goroesi hynt a helynt eu arddegau a dod o hyd i gariad unwaith eto?

Gyda sgôr anhygoel ac yn llawn ffefrynnau mawr fel Summer Nights, Greased Lightin’, Hopelessly Devoted to You a You’re the One That I Want, daw’r fersiwn syfrdanol yma’n fyw ar lwyfan gyda chast ifanc newydd sy’n dod ag egni ac angerdd i’r clasur o sioe gerdd yma.

Felly dewch â'r bois o'r Burger Palace a'r merched mewn pinc ynghyd i ail-ddarganfod pam mai Grease yw'r un i weld y tymor yma!