Yn dilyn cyhoeddiad Llywodraeth Cymru bod Cymru'n symud i Lefel Rhybudd 2, canllawiau dilynol ar fesurau ymbellhau cymdeithasol a digwyddiadau dan do, ac i ddiogelu ein cynulleidfaoedd, staff, a chast a chriw ein cynyrchiadau, mae'n ddrwg gennym fod pob perfformiad o’r sioeau a drefnwyd wedi'u canslo o 26 Rhagfyr tan o leiaf 15 Ionawr 2022. 

Byddwn yn ebostio’r archebydd wreiddiol a threfnu ad-daliad awtomatig iddynt; nid oes rhaid cysylltu â ni. Ymddiheurwn am unrhyw anghyfleustra a siom a achosir gan y canslad hwn.

Gwyliwch Polly Amorous a'i ffrindiau'n gwneud Dickens dan yr uchelwydd ar gyfer 'anti-panto' fwyaf di-drefn Caerdydd erioed.

Gan roi'r 'ass' nôl yn y cl-ass-ur Nadoligaidd hwn gyda drag, bwrlésg, syrcas a chaneuon, bydd XXXmas Carol yn rhoi chwant stwffin i chi.

Mae'r fersiwn bisâr hwn o hunllef Nadoligaidd Charles Dickens yn berffaith os oes well gennych chi'r drwg na'r da dros dymor y gwyliau.

Rydyn ni wedi ysglyfio'r tafarndai, carchardai a wercysau lleol i ddod â'r artistiaid mwyaf rhyfedd a rhyfeddol yn ne Cymru i chi, gan gynnwys Rahim El Habachi, Foo Foo LaBelle, Bunmi Odumosu, Eric McGill a Geraint Owen.

Anghofiwch am Nadolig y gorffennol – dyma anrheg Nadolig i'w gofio am yr holl Nadoligau sydd eto i ddod. Dewch, da chi!