Mae ein sioe deuluol hwyliog a rhyngweithiol, Chwarae Opera YN FYW yn ôl, a’r tro hwn rydyn ni’n mynd yn Jurasig.

Mewn sioe anhygoel sy’n ddifyr ac yn addysgiadol, canwch, dawnsiwch a chlapiwch gyda rhai o’n hoff ddarnau o gerddoriaeth o’r llwyfan a’r sgrîn.

Hwyliwch ar y moroedd gyda The Flying Dutchman Wagner; dihangwch i’r mynyddoedd gyda gwaith hynod o adnabyddus Grieg, Hall of the Mountain King a cherddwch ochr yn ochr â deinosoriaid gyda gwaith epig John Williams, Jurassic Park Theme.

Mewn prynhawn sy’n addas i bob oed, dewch i gwrdd ag aelodau o Gerddorfa WNO, dysgwch ffeithiau difyr a mwynhewch gerddoriaeth wych mewn lleoliad hamddenol.

Dewch i gwrdd â mwy o ddeinosoriaid gyda Dinosaur Rumpus Steve Pickett, yn seiliedig ar lyfr plant bythol boblogaidd Tony Mitton, Bumpus Jumpus Dinosaurumpus, sy’n cynnwys tafluniadau fideo byw a naratif gwreiddiol gan ein cyflwynydd gwych Tom Redmond.

Ni fyddai profiad teuluol WNO yn gyflawn heb weithgareddau cyntedd am ddim sy’n cynnwys helfa drysor, paentio wynebau a mwy. Ymunwch â ni o 1pm.

#WNOplayopera